Sony Xperia Z5 相機已升級
有人話 Sony Xperia Z5 與 Z3+ 都好相似喎，咪又係二千萬像素鏡頭。咁就錯了! 首先 Z5 今次用上嘅 Sony Exmor RS 感光元件，型號係 IMX300，係未係其他品牌甚至 Sony 嘅手機用過。Z3+ 與 Z5 係拍攝規格上，最大分別係廣角去到 24mm，而係軟件上，增加了 0.03 秒高速對焦以及 5 倍清晰變焦，令 Z5 比起 Z3＋有更強嘅攝力。當然，1/2.3 感光元件與 F2.0 大光圈都係優勢來。而今次 Superior Auto 都可以拍到 2300 萬像素，即係人人都可以簡單地拍到大像相素相片了。
比拼 Samsung S6 Edge
老實一句， Sony 旗艦手機每一代都用影相佳為賣點，不過，今年面對挑戰好大。以今次對手 Samsung Galaxy S6 Edge 為例，雖然只有 1600 萬像素鏡頭，但其 F1.9 大光圈，按住 Home Button 兩下進入相機介面，實在好方便。而夜拍效果，亦很顯著。不過，Sony Xperia Z5 都唔輸蝕，我會覺得其 0.03 秒高速對焦，係實際影相方面，好有效。Sony 自家宣傳，多數用行駛中嘅玩具火車做例子，我就會用跳跳扎嘅小貓做對像，Sony Xperia Z5 能順利滿足小貓嘅神態，高速對焦，好重要架! 而跟 S6 Edge 相片相比，我會覺得 Z5 係低光環境下，拍出來嘅照片跟原本嘅環境最近似，唔會光得太過份，失去氣氛，而 24mm 廣角，係 4:3 比例下，拍到嘅景物，比起 S6 Edge 16：9 都要多，影風景一流。最後，我最愛就是 Superior Auto 下嘅美食模式，令相片中嘅食物更具層次感，睇上來更加回味。
▲ 多得 0.03 秒高速對焦，小貓玩耍，也可以用 Xperia Z5 把她攝入鏡。
以下就是幾組比較相片左面 (或 M 版觀看嘅上方) 用 Sony Xperia Z5 拍攝，右面(或 M 版觀看嘅下方) 用 Samsung Galaxy S6 Edge 拍攝。大家都要自動模式 (Z5 是 Superior Auto 拍攝)
▲ 上述兩組圖片，可見 Sony Xperia Z5 在 Superio Auto 下，已可以拍二千三百萬像素相片，不再只局限八百萬像素。雖然用了 4:3 比例，但視野比 S6 Edge 闊，可見新加 24mm 廣角效果實不錯。留意上一組圖片，Sony Xperia Z5 嘅天色近真實最似，見番黑天，不會因為太光而變灰。
▲ 這組圖片，係一間昏黃嘅酒 Bar 拍攝，的確 S6 Edge 拍出來比較光 (右或下)，但 Z5 拍出來的，(左或上) 其實很也得好清楚之餘，亦保留了 酒 Bar 現場的氣氛。
▲ 這組圖片，Sony Xperia Z5 (左或上) 與 Samsung Galaxy S6 edge 拍出來 （右或下) 都係用上同一個光圈。不過 Z5 係 Superior Auto 下，啟動了「美食模式」 是把食物本身的對比加深，相比 S6 Edge 拍出來的立體感更好，睇相都想食。
以下就是兩組比較相片上方 用 Sony Xperia Z5 拍攝，下方 用 Samsung Galaxy S6 Edge 拍攝。都是示範用 5X Zoom 放大效果。
▲ Sony Xperia Z5 拍攝原照。
▲ 5 倍無損變焦下，原相中間的劇院、老舖兩字都好清楚。
▲ Samsung Galaxy S6 Edge
▲ S6 Edge 也可以作 5x 放大，但戲院與老舖二字，也不及 Z5 嘅無損變焦清晰。
▲ 就算屏幕睇相，Sony Xperia Z5 （上）都比較 Samsung Galaxy S6 Edge (下) 出到相片原色。
