4K 拍攝新體驗
先講講規格，今次 Sony Xperia Z5 嘅 4K 拍片，比起不少旗艦手機都先進好多。首先，Sony Xperia Z5 元則上沒有拍攝 4K 時限，係可以拍到你張記憶卡滿滿為止；拍攝時，有兩個 Coding 俾你選擇包括 H.264 及 H.265，簡單來說，H.265 係最新嘅解碼技術，比較慳位，H.264 就可以令大部份電腦與手機，係唔識安裝額外軟件情況下，都 Play 得到 4K 片。
▲ Click 入左面或 M 版嘅上方，有 Video 講解用 Sony Xperia Z5 拍 4K 時，就算你不停移動鏡頭，拍攝不同物件，也可以故到自動追焦。亦可以做到 Zoom in Zoom Out 及 Chop 相。而 Click 入右面或 M 版嘅下方圖片，會見到內置 Z5 嘅影片播放器，也可以做到 Zoom in Zoom Out 或簡單編輯功能。
▲ 有人問，4K 拍片係咪會好熱，拍到幾耐？我試過拍 15 分鐘都 OK。
不過，我會覺得 Sony Xperia Z5 嘅 4K 拍片介面及操控嘅靈活，更合日常使用。首先，Sony Xperia Z5 係拍片 4K 時，係繼續可以做自動對焦，數碼放大甚至 Chop 相。尤其 Chop 相部份，Full HD 拍片 Chop 相，只有二百萬像素，而 4K 拍片 Chop 相，可以有八百萬像素，可用度已經好大差別。呢方面，唔係其他 4K 手機可以做得到。而 Sony Xperia Z5 內置「影片」App，已具備基本 Edit 4K 片嘅功能，唔駛一定傳番電腦攪，方便好多。 我就會理由 4K 拍片，再即時 Chop 相，應付突發又想即拍嘅情況，比起舉起手機亂拍，更易影中目標。
▲ 這兩張就是係拍攝 4K 短片時，Chop 出來，放大來睇，左面或中間的人物清晰度都好高。無他，因為 4K Video Chop 相，已有八百萬像素！
▲ 按入圖片，可睇到 Sony Xperia Z5 以 H.264 解碼拍片嘅 4K 短片。在九點嘅晚上，都影到很光亮嘅街景喎。我們 Check 過資訊，Sony Xperia Z5 以約50Mbps 速率、30fps 拍攝，比起 Samsung S6 Edge 嘅 40Mbps 速率，30fps 用上更快速率，畫面質素比較好。
▲ 可睇到 Sony Xperia Z5 以 H.265 解碼拍片嘅 4K 短片。小貓玩耍動作，好可愛地紀錄了。(Click 入即見到效果)
小結：升級有效果 4K 好實用
雖然有人話，4K Video 拍攝是 Gimmick，事實上，拍攝 2 分鐘 H.264 解碼嘅 4K 短片，也要 2GB 體積， 32GB 未必拍得好多分鐘，不過，Z5 是支援 200GB 記憶卡，多多 4K 片也可以載得落，唔怕手機唔夠位。此外，活用4K Video，可以令你拍到更多好相片，紀錄得細仔。Sony Xperia Z5 也是眾多支援 4K 拍攝嘅手機裡面，操作最靈活嘅一部。所以 Sony Xperia Z5 在眾多因素考慮下，說它是最好的拍攝手機，也不會過份。按這裡有更多 Sony Xperia 最新消息、手機介紹及最新行情
