5.5 吋芒 4k 解像度！ Z5 Premium 價錢你點睇？
Sony 的 Xperia Z5 系列係上月已經有 Z5 以及 Z5 Compact 於香港發佈，但係網友反應相對以往來講就較為冷淡了，相信好大程度上因為重頭戲 Z5 Premium 還未到港吧！係規格上，其實 Z5 Premium 跟 Z5 分別主要在屏幕上，因為前者有 5.5 吋 4K 大芒而後者只有 5.2 吋 FHD ，在處理器以及相機方面都是 Qualcomm S810 配 3GB RAM 以及 2300 萬像素主鏡頭。Z5 Premium 的主要賣點當然係佢個芒， 5.5 吋有 3840 x 2160 解像度， ppi 高達 806 。但電量方面也有 3430mAh 以及支援 Qualcomm Quick Charge 2.0 ，但係可以用幾耐就真係要實際測試過先知了。來到大家最期待的賣價消息方面，版主就收到風， Z5 Premium 定價為 $6398 ，比起定價 $5698 的 Xperia Z5 貴 $700 ，同樣有單卡以及雙卡版本可供選擇，開賣日子同之前提到一樣係 11 月。（更詳細的開賣細節會在稍後發佈會開始時更新，要留意哦！）
【更新：Sony HK Mobile 官方宣佈 Z5 Premium 定價為 $6398 ，隨機會附送 Qualcomm Quick Charge 2.0 快速充電器 UCH10 （原價為 $298 ）以及立體聲耳機 MH750 （原價為 $198)，發售日期大約為 11 月中】
▲ Z5 Premium 以吸引力來講，理應比起 Xperia Z5 更大，但價錢會否成為大家入手的障礙？
四大旗艦到齊，邊一部你最感興趣？
上文都是到，而家 Z5 Premium 都來到香港之後，基本上四大 Android 品牌的旗艦機種都到齊了，我哋不妨將幾點新機的規格做一個對比。係屏幕上， Sony Z5 Premium 主打的 4K 芒當然一支獨秀，比起其他廠牌的屏幕規格上更優勝。如果以效能來計的話， Samsung 的 Galaxy Note 5 在用上自家 14nm 製程 Exynos 7420 配 4GB RAM ，現時市面上可謂沒有對手。 LG 今年唔同人鬥規格而係玩性格， V10 主打的賣點就有雙屏幕以及雙 500 萬像素前鏡。而最後的 HTC One M9+ 相機加強版除左換上左有齊 OIS 、相位對焦及雷射對焦的相機外，定價都係最便宜的一部。另外，可能係因為 Qualcomm S820 以及 MTK 的 Helio X20 都未能趕及推出的關係，其實今年各廠牌上、下半年度的旗艦都係用上一模一樣的處理器，最多只係在 RAM 上有所分別。唔知咁多部旗艦之中大家又覺得邊部最有吸引力呢？以下有個投票，大家不妨投票後再留言講講吧！
▲以上就係四大旗艦的規格比拼， click 入去可睇詳細內容。
在文章發佈時， Sony Xperia Z5 Premium 定價為 $6398 ，將於 11 月初正式開賣，按此看手機詳細規格及最新定價。
