Sony 內部指令亂糟糟！Z 系生與死 公關 + 高層兩講法

左定坤 (Cho Ting Kwan) 2016-02-23 15:45 | Sony

Sony 在 MWC 2016 大會上，一口氣出左三款全新 Xperia X 系列的智能手機，分別為 Xperia X Performance、Xperia X 以及 Xperia XA。而最令網友們關心的是，出左 X 系列，係咪代表會取代現有 Z 系列手機呢? 因為不少網友認為呢批「X」競爭力不夠，Sony Fans 好想真的有真「Z」系，只係未推出。有網站訪問Sony 高層就回應，Z 系列同 X 系列將會同時存在。不過，Sony Fans 唔駛開心住，因為 ePrice 又收到一則某地區嘅 Sony 公關與記者對話，內容好清楚講明：不單係 Z 系列、連 C、M 係都玩完，真正「X」獨大! 咁「Z」係是生是死，Sony Fans等唔等，定係跳船好？Sony PR 同高層有兩個講法，到底誰是誰非呢?



我地收到一段同 Sony PR 的對話，Sony PR 就表示，Z 系列已死，將會消失，除左 Z 系列之外，就算係 M 系列同 C 系列都係一樣。不過咁，所謂「消失」，意思即係唔會再出新機，但現有的機仲會繼續賣，而之後淨係會出 Xperia X 系列的新機。好奇怪嘅一樣野係，點解 Sony 高層講的是一回事，而 Sony PR 講嘅又係另一回事呢? 到底其實 Sony Mobile 自己 confirm 左到底仲留唔留住 Z 系列架? Sony PR 同 Sony 高層兩個講法，證明佢地自己內部嘅指令一團糟，咁我地可以信邊個好?

以下為某地區嘅 Sony PR 與記者嘅 Instant Messager 對話，由於我地要保護消息來源，我地把對話以廣東話方式從整一次，當中的對話先後次序亦有不同。但這對話 ePrice 版主們也睇過，百份百真實，餘下嘅就係你佔高層，定係信 Sony PR 之言了。

▲ 推出左 X 系列手機之後，你想唔想 Sony 的舊有系列消失呢?

Sony Mobile 香港　：未來產品類型，之後公佈

對於今次 X 與 Z 產品存癈問題，Sony Mobile 香港亦有回應：「Sony 今次推出全新 X 系列手機，是想帶來全新溝通模式，將 Xperia 品牌重新定義，推出更個人化、更嶄新的智能產品，為市場帶來更多選擇，同時我們亦會繼續發售 Z5 系列產品。Xperia X 系三款手機，代表新一代流動通訊影像、電池與設計技術。加上 Xperia Ear 等新配件，希望 Xperia 智能產品做到顛覆傳統界限，讓生活與產品無縫配合的目標。Sony Mobile 會以新目標帶來最好嘅流動通訊產品。至於未來再推出的產品類型，我們之後會再公佈。」

Sony Xperia X 系列實測及報導
真. Sony 高層專訪：十一個 Xperia X 你一定要知嘅「秘密」
正到爆! Sony 發表四款創新配件，最快年中開賣
上手評測! Sony X Performance、Z5 外型、規格大比拼
主打 S820 處理器！Sony Xperia X 登場 挑機 LG G5 三星 S7
【超多圖】金屬質感正過 G5 ？Sony Xperia X、XP 版主上手試
Sony 內部指令亂糟糟！Z 系生與死 公關 + 高層兩講法
RIP！Sony 宣佈 Xperia Z 系列正式玩完

在文章刊登時，Sony Xperia X Performance 賣價未定，按這裡有詳細規格及最新賣價。
在文章刊登時，Sony Xperia X 賣價未定，按這裡有詳細規格及最新賣價。
在文章刊登時，Sony Xperia XA 賣價未定，按這裡有詳細規格及最新賣價。