大鋪暗減價， Sony Z5、 Z5 Premium 百老匯有平！
其實 Sony Z5 系列旗艦價錢已經「企穩」左好一段時間，當中係大鋪 Z5 Premium 要價一直要 $4798 而 Z5 就要 $4398（近期減左 $100 變 $4298），但整體而言兩部機都沒有大減。對比一開賣就即減價的 Samsung Galaxy S7（大鋪而家即減 $400 賣 $4798）同埋 LG G5（大鋪而家即減 $700 預訂價是 $4998）， Sony 兩部旗艦吸引力自然不夠啦。近日，有網友就提過百老匯暗地裡有減價，版主近日都到左旺角分店查問，果然係有幾回事！先講左主打 4K 5.5 吋芒的 Xperia Z5 Premium，而家大鋪一般標價都係 $4798，但版主問過百老匯方面價錢其實減左，賣緊 $4698，防水 SBH70 無線藍牙耳機一樣有得送。如果覺得暗價不太可靠的話，可以留意下 SunMobile ，佢哋淨機價都係 $4698 呢！另外，價錢較平的 Xperia Z5 都有再減，係落到 $4298 之後，版主問過百老匯價錢都再減 100 ，賣 $4198。
▲ 呢排 Sony 搞緊買機送藍牙耳機活動，版主問過，百老匯減左價後一樣會送（因為係 Sony 官方贈品）。
▲Xperia Z5 之前減到 $4298，想唔到咁快又有得減。
四千有找入手有法！Xperia Z5／Z5 Premium 深水埗行貨再有平
可以見到，呢輪大鋪暗減價其實都係減得 $100，好難令人增加入手意欲，咁行貨方面又如何呢？版主到深水埗睇過，以 Z5 Premium 來計，價錢大約係 $4498 左右，比起百老匯平多 $200。而 Xperia Z5 價錢就跌穿 $4000，由四字頭變成三字頭，賣緊 $3998！不過，老實講，以上價錢其實都維持左一段時間，往後再減都唔出奇。唔知大家又點睇呢？留言講講吧！
▲ Sony 官方提到，藍牙耳機優惠期係 2016 年3 月 24 日至 4 月 24 日，過左就無啦！
▲Z5 Premium SUNMobile 上台價叫唔叫抵大家睇法可能唔同，但係淨機價相對而言真係較平的。
在文章發佈時， Sony Xperia Z5 價錢為 $4198 ，按此看手機詳細規格及最新賣價。
在文章發佈時， Sony Xperia Z5 Premium 價錢為 $4698 ，按此看手機詳細規格及最新賣價。
