Xperia X 三機齊來，功能相約、外型有不同
遲來嘅 Sony 新機，以 X 作為新系列命名方法。X Series 有三款新機，全部劃一 5 吋屏幕，對是 5 吋，不是 5.5 吋，也不是 5.2 吋。三款機中，以 Xperia X Performance 為最高階，採用旗艦手機都會嘅 Qualcomm S820 處理器，其 2.2GHz 速度，亦係 S820 嘅高階版。Xperia X 主要規格大約跟 X performace 一樣，但改為 Qualcomm S650 SoC。取低檔為 Xperia XA，採用 MTK Helio P10 處理器。此外，三款手機設計大致相同(Unified 設計) ，但細心睇又有 D 唔同。
▲ 圖中的 Sony Xperia X Performace 是 X 系列最高檔。但由於用了 Unified Design，正面看 X Performace、X 與 XA 三機都差不多。
X Performace 機背最靚
先來睇睇 Sony Xperia X Performance 。呢款機一改以往風格，Sony 叫作 Unified design，由整體件設計、顏色及手機 UI 也是統一起來，所以三款 Xperia X 系都幾難分! 不過，要分都有方法! 先講，Sony Xpieria X Performance。佢由玻璃材質改為金屬機身，機背採用了金屬材質覆蓋，並在黑色以及銀色款中加入了髮絲紋，而 Sony 今次亦放棄了比較方角嘅設計，把 Xperia Prerformace 做得更加圓角，加上 2.5D 玻璃，更接近其他品牌的流行設計。規格方面，Xperia X Performance 採用了 5 吋 Full 1080p 屏幕，並沒有升級至 4K。X Performance 內置 3GB RAM。香港版有 64GB ROM 及支援雙卡雙待。X Perfermance 具備 LTE cat.9 規格，並支援三組 LTE-A 頻段，但應該支援唔到 csl. 嘅 375 速。據了解 Qualcomm S820 CPU 做唔到兩段 2600 + 一段 1800 嘅 Carrier Aggregation。但透過 S820 SoC，佢將會係首部唔駛 App 破解，都支援 4G / 3G / 2G + 3G / 2G 雙卡雙待 nano SIM，使通話的 SIM 卡，不用使用 Outdated 嘅 2G GSM 網絡。X Performace 配備了只有 Sony 才使用 1/3 吋 Exmor RS IMX318 二千三百萬像素感光元件及千三萬像素前鏡。跟 Sony Xperia Z5 相比，X Performance 相機有更加快嘅對焦及啟動拍攝速度。前鏡頭加入 Low Light 低光源自拍。不過，Xperia Performance 並不支援 4K 影片拍攝。X Performance 也支援 Hi-Res 認證，播到高音質音效。值得一提的是 Sony 與 Qnovo 合作推出智能手機最佳化充電技術，能夠讓手機電池使用壽命最多延長一倍。
▲ Sony Xperia Performace 設計上最大特色是機背加了髮絲紋理，在足夠光線下，效果十分好。
▲ 其中三款顏色。
▲ 機側比較。
▲ 2.5D 玻璃亦係今次 X Series 嘅重點。好啦，講講手感。版主對於 Xperia X Performace 及 Xperia X 評價很正面，不再似 Z3+ Z5 「界」手，機邊帶點圓潤，加上很 Fit 手型嘅 5 吋芒大細，握手感十分好。
▲ 機頂的 3.5mm 耳筒鍵，偏向手機的左面，跟 Z5 一樣。
▲ 獨立的影相鍵，今次發揮好大作用。點解？留意版主之後嘅評測。
▲ 三款 Xperia X 係都用上 2.5D 玻璃。呢個設計，唔係似三星，就係似 iPhone。不過，係 Sony 身上，依然係好 Sony。
▲ 機底有 micro USB 埠，唔係 Type C。
▲ Sony Xperia Xperia Perforamce (左) Sony Xperia Z5 (右) 。係喎 Z5 係 5.2 吋芒架，所以咪大部 D 囉。
▲ 上面是 Z5 下面是是 X Performance。
▲ Sony Xperia Xperia Performace (左) Sony Xperia Z5 (右) 。
▲ Sony Xperia Xperia Performace (右) Sony Xperia Z5 (左) 。
▲ 鏡頭比一比。Xperia Performace 是有向下扁嘅設計，跟 Z5 鏡頭全平是不一樣。
Xperia X 外型分別睇鏡頭
另外一部 Xperia X，除了 CPU 不同，大致上其他的，也是跟 Xperia X Performance 一樣，只是相機啟動時間，對焦時間、電池容量唔同。設計上 Xperia X 機背是比較簡單，無髮絲紋。最後 Xperia XA 就是用來打入大眾市場，屏幕只是 HD 720p 芒，沒有 Hi-Res 認證，相機像素也比較低。
▲ Xperia X 與 X Performace 用正面上看是很難分別出來，圖中是 Xperia X。
▲ Xperia X 機背除了沒有髮絲紋理，鏡頭也是突起來的，不是扁平。
▲ 同樣採用 2.5D 玻璃設計。
▲ Xperia X 的手機下方。
▲ 兩款不同顏色。
▲ 三款 Xperia XA 顏色。雖然呢部係最低檔，但居然有更窄嘅屏幕! 但點窄都都好，Size 都係五吋。
▲ Xperia XA 機背係塑膠設計。
▲ 想知 Xperia Performace、Xperia X、Xperia XA 及之前嘅 Z5 有乜差別，Click 入去進入 ePrice.HK 手機比拼介面，就一清二楚啦。
更多 Sony Xperia X 系列評測 + 相關文章
Sony Xperia X Performance 二千三百萬，拍照實力探
STAMINA Mode 回歸 Sony Xperia X! 省電效能又升級
技術文：三個不可不知嘅 Sony Xperia X Performance 影相黑科技
Sony Xperia X Performance、Xperia X、XA 三機外型評測
Sony Xperia X Performance 在文章發表時，香港上市日期未定，按這裡有詳細規格及最新賣價。
Sony Xperia XA 在文章發表時，香港上市日期未定，按這裡有詳細規格及最新賣價。
Sony Xperia X 在文章發表時，香港上市日期未定，按這裡有詳細規格及最新賣價。
