發掘最好！東京拍靚相
版主會咁認為：網友不會因為手機嘅相機而買一部手機，反而設計、品牌、Overall 感覺會係最重要。買了，就要用盡佢！呢一 Part，我會我嘅能力，影一些由 Sony Xperia X Performace 拍出來嘅靚相。情景就是大家都好愛的日本東京。全部相都用最大像素呈現，但未必採用全自動模式，但版主會講清講楚，記住，呢 Part 係試實出 X Performance 最強能力!
▲ 版主今次住在好近成田機場嘅品川的其中一間太子酒店。品川好多間都叫太子酒店，住邊間我唔話你知，但可以講佢地呢幾間都係分享一個日式花園。剛剛在一個天氣不錯嘅早晨經過，當然要影下相。在大光環境下，完全難不到 X Performace。構圖雖然以綠色為主，相片呈現嘅細節度亦係合格之上。
▲ 到今代 Xperia X Performace 都未加上自動 HDR 功能，若果你好似呢張相，只用 Superior Auto 去拍攝，本來個景都好靚，但後面爆左光就有點失色。但整體相片效果也夠實正。始終日光相，無投訴。
▲ 拍攝當天天氣很不錯，能拍到好藍嘅天。版主，原來嘅環境，係咪咁靚？東京不是香港呀，呢個藍天，是真正色彩來。
▲ 擁有 F2.0 大光圈，都可以影到充滿景深嘅相片，只要把對焦點對著小花，構圖上主體與環境有一段距離就可以拍得到。
▲ 晨運完畢，返酒店食早餐。Sony 手機嘅「美食模式」相信最受香港人喜愛。「美食模式」其實把相片飽和度推高，令食物更加有層次!
▲ Sony 嘅 Superior Auto 可以影到咁有風味嘅相片？得！不過啱一半。其實，現在係 Superior Auto 上面，進入設定，是可以找出「顏色與亮度」調教。呢張相，把亮度調暗四份一左右，再把顏色對比推高少少，一張很有感覺嘅黃昏相，就係咁影了出來。
▲ 同樣道理，左面 (用手機睇為上面) 的圖，用全自動 Superior Auto 拍攝，近由招牌字跟本睇唔到。但只要把高度調暗，呢間食市名字，就能顯示出來 (右面 (用手機睇為下面) 的圖，而相片氣氛更接近實際環境。
▲ Sony 高檔手機嘅相機，一直有 5x 無損變焦嘅功能，其實即係數碼變焦，只要不過５倍，效果也會很貼近光學變焦。你可以唔同意呢個聲稱，但的確係二千三百萬像素下，再作不高於 5 倍變焦影相，如右圖 (手機版為下圖) ，只要你唔係把相片放到好大，效果也不錯。如係東京新宿這間酒店頭上的「哥斯拉」都要變焦 Zoom 上才見得比較清晰。
新玩意：預測對焦
之前版主都介紹過，係 Sony Xperia X、X Performace 及 XA 裡面，都加入了預測對焦拍攝。相機會自動追蹤移動物件，做到真. 自動對焦，唔係手移對焦。點解做得到，之前有篇技術文講解左。實際效果係點？一齊睇睇!▲ 其實預測對焦，一早在 Sony Xperia 高檔手機裡出現，不過本來在拍攝短片中應用。亦在此特別一提， Sony Xperia X Preformance 雖不能拍攝 4K 解像度短片，但其 Full HD 1080p 短片，可以達到 60fps。以上就是本來用作拍攝預測對焦效果嘅日本藝術跳表演，記得把 YouTube 調至 Full HD 睇睇效果。
▲ Xperia 手機嘅影片播放器，其實有 Cap 圖功能。版主用上面條 Full HD 60fps 拍攝嘅短片作 Cap 圖，一樣做到快速拍攝嘅效果。
▲ 上篇文章都示範過，X Performace 嘅預測對焦係 Work 的，餘下就是拍出來嘅效果。左面 ( 手機版上面）的相片，就是當表演者移動時拍攝出來。不過，因為距離有點遠，藝人的面貌，就算你放大來睇都唔夠清楚。右面 ( 手機版下面）是我們拍攝時行了 Digial Zoom 發現預測追焦都用到的，而用 digital Zoom 影左嘅藝人樣子出番晒來。
對比 Xperia Z5
究竟 Sony Xperia X Performance 會否好過上代 Xperia Z5? 大家都係用上同一個鏡頭模組，沒有更改的拍攝參數，只是當中的軟件調控有不同，拍出來有沒有進步，OK？Let's See。下圖左面 (手機版上圖) 為 Xperia X Performance 拍攝的情景。而右圖 (手機版下載) 為 Xperia Z5 拍攝出來。
▲ 睇了六組以夜拍為主嘅相片，可以發覺 Xperia X Performance 與 Xperia Z5 拍攝效果不相伯仲。
三機比拼：HTC 10 vs Samsung Galaxy S7
這一次在日本東京出差的空檔，除了版主 Keith，台灣的 Jason 也帶了兩款 2016 旗艦：HTC 10 以及 Samsung Galaxy S7 Edge，做一個三旗艦相機實拍對比，希望能給大家一點參考。根據版主 Jason 所說三部手機都使用相機可拍的最高像素拍攝，並採用全自動模式（Sony Xperia X Performance 預設則是智能場景辨識模式），相機設定使用預設值，並且只用中央對焦點自動對焦，不經過觸控對焦重新測光。三部比拼，又那一個會勝出? 以下圖片，若睇桌面版本，大圖會係 Sony Xperia X Performance 拍攝的照片。下左面由 HTC 10 拍攝、右下由 Samsung Galay 7 拍攝出來。
▲ 上野公園
▲ 淺草的廟宇。
▲ 淺草寺的記念品呀
▲ Lunch Time
▲ 夜晚的新宿。
進步空間還有的，但整體已不錯
版主 Jason 認為，Sony Xperia X Perforamce 拍攝流暢度的確很好，日拍部分 Xperia XP 雜訊好低，先前 Sony Mobile 曾說過 Xperia XP 與上一代相比特別加強了綠色的表現，從上面一些植物的照片來看，的確翠綠許多。 不過夜拍在測光部分似乎有點不穩定，在某些場景拍攝出來的照片偏暗（即使自動場景模式都已經偵測並開啟夜景模式），可能需要後續調整。而版主 Keith 認為，大致上 Xperia X Performace 表現跟 Xperia Z5 相約，日拍無問題，夜拍還有很大改進空間。更多 Sony Xperia X 系列評測 + 相關文章
Sony Xperia X Performance 二千三百萬，拍照實力探
STAMINA Mode 回歸 Sony Xperia X! 省電效能又升級
技術文：三個不可不知嘅 Sony Xperia X Performance 影相黑科技
Sony Xperia X Performance、Xperia X、XA 三機外型評測
Sony Xperia X Performance 在文章發表時，香港上市日期未定，按這裡有詳細規格及最新賣價。
