001：Sony Xperia X 系列三機香港版本賣幾錢？
雖然 Sony Xperia X 系列今日先在香港正式發表，不過昨日版主已經搶先爆俾大家知個建議零售價，一如昨晚所說，擁有 3GB RAM、已經係最高階的 Xperia X Performance，建議零售價為 $5598，而 Xperia X 以及 Xperia XA 的建議零售價分別為 $4698 以及 $2498。至於最後有無做即減，要留意版主之後嘅行場報告了。
002：Sony Xperia X 系列三機香港出幾多隻色？
無論係 Sony Xperia X Performance、Xperia X 抑或係 Xperia XA，香港推出一樣有四隻色，包括白、黑、香檳金以及玫瑰金。
003：Sony Xperia X 系列香港版有乜野配件?
無錯，之前版主 Keith 其實都已經同大家提過，有網絡商自爆 X Performance 的跟機配件。而經 Sony 職員確定，三款型號的 Xperia X 系列手機，隨機都附有 QC2.0 Charger、USB 線以及耳機 (並非 Hi-Res 的，只是普通耳機)。在預售期間 (2/6 － 16/6) 購買指定型號，亦可獲得以下禮品：
| 型號 | 禮品 |
| Xperia X Performance | －額外一年保養 （共兩年）（價值 $398) －Xperia X Performance 保護殻 SBC30 （建議零售價 $268) －Xperia 雨傘 （價值 $199） －QC2.0 快速充電器 UCH 10（價值 $298） |
| Xperia X | －額外一年保養（共兩年）（價值 $398) －Xperia X 專屬保護殼 SBC22 （建議零售價 $268) －Xperia 雨傘（價值 $199） －QC2.0 快速充電器 UCH10 （價值 $298） |
| Xperia XA | －Xperia 環保袋（價值 $159） |
004：香港推出乜野版本？
Sony Xperia X Performance 以及 Xperia X 香港都會推出 64GB 雙卡版本，而 Xperia XA 則會推出 16GB 雙卡版本，當中的 X Performance 配備了 Qualcomm S820 旗艦級數的四核心處理器。而三部機都支持 microSD 卡擴充，最高可以支援 200GB。
005：三部機香港版的網絡配套係點？
Sony Xperia X 系列三部機都配有雙卡插槽，可以插入雙 SIM 卡或者一張 MicroSD 卡加一張 4G SIM 卡，即係又係「弧寒式」插槽。任何一個卡槽都可以運行 4G，當一個卡槽用緊 4G 時，另一個卡槽亦同時可運行 3G 網絡，而三款型號都支援中港 (FDD / TD) 及全球主要國家的 4G 網絡制式。另外，Xperia X Performance 亦都新增左 4G LTE (Cat.9) 極速網絡（Xperia XA 只支持 Cat 4，而 Xperia X 則支持 Cat 6）。
不過要注意的是，Cat.9 理論上最高可支持 450 速，但實際上以今日的香港係未做到的，就目前為止，淨係得 csl. 可以上到 375 速，但係需要 B3 +B7 + B7 呢個頻段組合，而呢個頻段組合並不是 Xperia X Performance 所用的 S820 U 所支持的，目前只有 Samsung Galaxy S7 所用的 Exynos 8890 處理器先可以做到。因此，表面上 X Performance 係支持 Cat.9，但香港環境下，跟其他 S820 手機一樣，上網最高速也只有 300Mbps。另外，Xperia X Performance 同 X 都能夠支持 VoLTE 以及 VoWi-Fi，唯獨是最便宜的 XA，兩者都不支持。
更多 Sony Xperia X 系列評測 + 相關文章
Sony Xperia X Performance 二千三百萬，拍照實力探
STAMINA Mode 回歸 Sony Xperia X! 省電效能又升級
技術文：三個不可不知嘅 Sony Xperia X Performance 影相黑科技
Sony Xperia X Performance、Xperia X、XA 三機外型評測
Sony Xperia X 系列 賣價一早知! 呢五個重點 買機前更加要知
Sony Xperia X、X Performance、XA 大舖一出即減，上台出機會更抵嗎?
Sony Xperia X Performance 在文章發表時，定價為 $4998，按這裡有詳細規格及最新賣價。
Sony Xperia X 在文章發表時，定價為 $4298，按這裡有詳細規格及最新賣價。
Sony Xperia XA 在文章發表時，定價為 $2298，按這裡有詳細規格及最新賣價。
