增強版 Stamina Mode?
用開 Sony 手機的朋友，相信對於 Stamina Mode 並不陌生，不過不知大家又知唔知，Sony Xperia X 系列的 Stamina Mode 其實是加強版來? 在 Android 6.0 嘅 App Standby 與 Doze 模式之外，再加強省電效果! 以今次 Xperia X Performance 為例，出機已採用最新 Android 6.0.1 版本，Sony 亦把 App Standby 與 Doze 模式加回上去，好處是當你手機在關閉屏幕下，會減少 App 在後台的運作頻密度，若時間夠長，更會進入休息狀態，但手機會收到即時通訊的 Alert。除了 Android 6.0，Xperia X 系列亦都用上全新 System on Chip (SoC) ，即是大家講的 CPU。今次示範嘅 X Performance 用上了 S820，本身已具比上一代 S810 更省電的效能。而 Sony Xperia X 系列用上了全新的 Stamina Mode，在 Android 6.0 省電效能上，再加多一點點：將手機嘅處理器速度、GPS、震動、影像增強效能再限制住，進一步減少電池的消耗。比起其他手機，只依賴 Android 6.0 本身，Sony 今次的功夫又做多了。
▲ 要開啟 Stamina Mode，只要在設定中選取「電池」，就會見到。另外有個叫 Ultra Stamina 模式，其實是把手機除了話音，就連短訊、影相、相簿等功能也全部停下來，做到終極省電。幾時用？可以外遊又唔需要用手機上網漫遊用呀！
續航能力測試： X 系列勝上一代
Sony Xperia X 系列共有三個款式，大家最關心的應該係採用 S820 處理器嘅 X Performance，而這部 X Performance 還能保持 Sony 手機慳電嘅優良傳統。首先會用大家最常見到的 GeekBench 3 Battery Test，在全程開啟飛航模式進行測試。結果顯示，Xperia X Performance 續航時間大約為 7 小時 57 分鐘。呢個成績代表好定唔好？相比上一代 Sony Xperia Z5 Premium 的 6 小時 30 分鐘，X Performance 具有更加好的成績。要知道 Z5 Premium 有著比起 X Performace 更大容量嘅電池，可見 X Performace 電池續航力是相當出色。接近八小時嘅成績，代表中用量嘅用家，每日通話、上網、IM、半小時 Spotify 及 YouTube 短片，都可以用到十二小時左右。
▲ 圖中有兩個 Geekbench 3 Battery Test 做出的電量成績。左面 Sony F8132 即是香港賣的 Xperia X Performance 版本，右面 Sony E6883 是香港賣的 Z5 Premium 雙卡版本。可見 X Performance 做出接近八小時嘅 Battery Runtime，比起 Z5 Premium 都要好。事實上，S820 CPU 加上 Android 6.0 及 Sony 自家 Stamina Mode，令 X Performance 以中用量計算，用上一整天也沒問題。
播片測試: 省電更勝 iPhone 6s Plus
大家都很愛用手機睇片，我哋就用 Sony Xperia X Performance 睇睇短片播放時嘅耗電情況。我地會將手機的屏幕亮度調至最光，並將喇叭音量設定至 75% 左右。連續播放 YouTube 1080p 串流影片一小時 (今次揀了《俠聖》) ，Xperia X Performance 的電力由原來的 100%，降低至 85%，即用了 15%，大約 405mAh 電量，換算上來，Xperia X Performance 能夠連續播放大約 6 小時 40 分鐘的 1080p 影片。我哋找了之前 ePrice 測試過嘅手機型號比一比較，發覺 Xperia X Performance 嘅播片省電情況，再次打敗 iPhone 6s Plus，而相信亦能輕易打敗電池更細的 iPhone 6s。
▲ 為了確保測試的準確度，測試的時候，會先把手機充滿電，如圖所見，起始電量為 100%，播放 YouTube 1080p 的電影《俠聖》。一小時後，電量剩下 85%。
玩高畫質 3D 賽車遊戲 : 再度勝對手
試完播片，大家通常用手機仲有乜野用途? 無錯，還有一項常用的用途，就是打機。今次我們挑選了一款相對高畫質的 3D 賽車遊戲《GT Racing 2》，我地將屏幕調至最光，而喇叭音量同樣設定為 75% 左右。測試時間為半小時，打機半小時後，Sony Xperia X Performance 的電力由原來的 100%，跌至 90%，即用了 270mAh 電量，換算上來，Xperia X Performance 玩高畫質 3D 遊戲，可以玩到 5 小時左右，呢個成績比起上年嘅 Z5 Premium、iPhone 6s Plus 甚至某同期 3000mAh 電池旗艦手機都要強! 可見 X Performance 效能提升，但電量控制反而做得更好。
▲ 利用 Sony X Performance 打機，大約能夠玩到 5 小時的高畫質 3D 遊戲。
快充又能保護電池
已試過了 Sony Xperia X Performance 嘅電量消耗，簡單來講，一代新機勝舊機，Sony 手機嘅省電傳統得到保留。與此同時，新一代手機，亦講求快速充電，就算你真係手機狂人，屏幕永不關，亦可以用快充，解決電量不足嘅問題。Sony Xperia X Performance，跟機已送了 UCH10 Quick Charge 2.0 充電器，充電極快。經過實測之後，發現 X Performance 充電半小時，大約能夠充電至 35%，而充電 2 小時 9 分鐘，則能夠把 X Performance 的 2700mAh 電池充滿，這個充電速度相當不錯呢！
你會問，點解 Sony Xperia X Performance 與 Xperia X 只支援 QC2.0 不是 QC3.0 呢？其實 X Series 都會支援 Qnovo 智能充電技術。Qnovo 技術會學習用家嘅充電模式，知道你邊段時間要用長時間充電，邊段時間需要好快充完電，然後會自動調手機接收嘅 Volt 數，控制充電時間，減少電池的損耗，令電池多一至兩倍壽命。而 Qnovo 技術能夠對應任何一款充電器，唔駛特別要用 Qnovo 配件。而 Qualcomm QC 3.0 有相若嘅功能，但要配合 QC 3.0 充電器。由於 X Performance 有 Qnovo 技術， 用上任何充電器也有保護電池的作用，站在用家角度來講，真是更加方便呢!
▲ 充電半小時後，大約可以由 0% 充至 35%，而大約 2 小時 9 分鐘，便能夠將 Xperia X Performance 由 0% 充電至 100%，速度相當不錯呢！
Sony Xperia X Performace 評測系列
依舊好慳電! Sony Xperia X Performance 電量測試 勝上代 赢對手兩大絕招 K.O. 對手 ! Sony Xperia X 「人無佢有」相機功能
資料由客戶提供
