六吋 XA Ultra，七月下旬登場，開價 $3498，無野送！
對於 Sony Xperia XA Ultra 的定價，版主同大部份網友一樣，都係覺得定價偏高，咁講真如果以得 16GB 黎講，呢個賣價又的確太過進取嘅。不過，大家都唔洗咁快話失望住，因為呢個世界有樣野叫「一出即減」，所以大家睇埋個結果，再決定是否值得入手，都未遲。具有六吋芒的 XA Ultra，開價 $3498，有白、黑、黃三款顏色可供選擇，買機無野送，並將於七月下旬登場。
▲ 有黑、白、黃三款顏色選擇。
定價太貴? 大舖一出即減跌到二字頭！
事實上，一如既往，手機一推出，大舖即有得減，再一次證明，今時今日建議零售價已沒有參考價值可言。版主今日就去左大舖度問價，得悉目前這部 Sony Xperia XA Ultra 做緊預售即減優惠，只需落 $300 訂即可。問過兩間大舖，都係講 7／7 就會有貨，同新聞稿所說的七月下旬登場，似乎有點出入，或者係有預售的話，就可以率先享受吧，而且一開波仲即劈五百，跌到二字，即係賣 $2998。雖然本身 Sony 方面買機無野送，不過衛訊都會額外送保護貼、32GB microSD 卡以及 PowerBank。呢個價，不知又能唔能夠跌穿網友心理關口呢?
▲ 雖然新聞稿上話 XA Ultra 到 7 月下旬先登場，而且無講到幾時有得預訂，不過版主問過兩間大舖，都係話而家有得訂，只需 $300 訂，7／7 有貨，而且仲要有即減五百的優惠添！
Sony Xperia XA Ultra 於文章發表時，賣價為 $2998，按這裡有詳細規格及最新賣價。
