csl 散貨，4K 芒手機大減價
可能係最初定價太錯，亦可能係香港用家睇手機屏幕嘅 Physical Size 唔係解像度！所以 Sony 以全球高解像度 4K 屏幕自居嘅 Xperia Z5 Premium，以 $6398 呢個建議零售價，真係無乜人認同。不過咁，唔代表 Z5p 唔係好機，始終佢係 5.5 吋大屏幕，比起最近推出嘅 5 吋 Xpiera X 芒 size 比較合香港網友口胃。但始終都出左半年，跌價難免。csl 散貨，淨機價比起大舖門市更平，$4398 買到！版主 Check 過佢地 csl 網店，都仲有貨，真係一個 Click 買到平貨！＄4398 比起當初 $6398 平左兩千蚊，去到六八折了，好誇張!
Sony Xperia Z5 Premium 係 csl. $4398 呢個價，其實比起大店平二百蚊，若講與大舖嘅賣價差距，一定數 Samsung! 近排大家都有留意 Note 7 快將發佈，真係一個月都無。可能因為咁，舊款 Note 5 都要退。三星唔做，唯有 csl. 幫手。Note 5 64GB 版本，做出即減千七嘅賣價，＄4698 買到! Note 5 都有 5.7 吋大芒架，$4698 仲平過某 5 吋旗艦！
▲ csl. 減價係 E6853 是 Z5 Premium 的單卡版本，暫時只有 Chrome 這款顏色有貨。
▲ 原來中國移動香港都有做減價，都係 $4398 仲係雙卡版!
▲ Note 5 64GB 係 csl. 網店暫時無貨，要買要問門市了。
▲ 肯定有貨係 Samsung Galaxy A9(2016) 淨機價 $3198，都比大鋪平一舊水。A9 (2016) 仲要係六寸芒！
Sony Xperia Z5 Preimum 係文章發表時，連鎖店售價為 $4598，按這裡有詳細規格及最新賣價。
Samsung Galaxy Note 5 係文章發表時，連鎖店售價為 $5198，按這裡有詳細規格及最新賣價。
Samsung Galaxy A9 (2016) 係文章發表時，連鎖店售價為 $3298，按這裡有詳細規格及最新賣價。
