Compact 再現 + 再用 Z5 尺吋
由香港代理得知，香港會係十月份，推出兩款全新 Xperia X 系列手機。一款會採用 Qualcomm S820 CPU 加 5.2 吋 Full HD 屏幕。對，如傳聞一樣，今年沒有 Premium 版本，即你想有大芒 5.5 吋與 4K Display 嘅 Flagship，係 2016 年，Sony 俾唔到你。呢部 S820 型號，照網上嘅傳聞，應該叫作 Sony Xperia XZ。另一款會上市，會係一款 4.6 吋嘅手機，傳聞會用 Full HD 屏幕，但版主知道，佢只會係 HD 解像度，並用上 S650 屏幕。對照網上傳聞，呢部機，會叫做 Sony Xperia X Compact。呢兩款機會用上 2300 萬像素主鏡頭，而加入五軸電子防震，會係新增功能之一。 另外，5.2 屏幕版本，會用上 XA Ultra 同級嘅 1300 萬像素前鏡頭，而 4.6 吋芒版本，會有五百萬像素鏡頭！比較可惜嘅係，相機加入了新功能，但手機同樣只有 3GB RAM 及 32GB ROM。香港嘅上市版本，5.2 吋屏幕版本 (網上叫 Xperia XZ) 會係雙卡雙待、而 4.6 吋屏版本（網上叫 Xperia X Compact) 會只係得單 SIM 版本。
網上關於呢兩部機嘅傳聞，仲有好多，而上面所講，就係我係呢一刻掌握到嘅資料! ePrice.HK 以往爆料嘅往績，大家有目共睹！大家可以跟據我所爆的，分享一下，大家會否 Buy 呢兩部機？
Three More Things:
- 5.2 吋芒嘅 Sony 新機 (Xperia XZ) 官方大約賣價會破五千，最快九月底、十月初上市。- 4.6 吋芒嘅 Sony 新機 (Xperia X Compact) 官方大約賣價會破三千，最快九月底、十月初上市。
- 今晚七點，Sony 就會正式公佈呢兩部機資料，版主 Keith 已係台北，參予今晚發佈會，完左後，就會有極速嘅一手 Hands On，我亦會係大約八點半，啟動 Facebook Live，跟大家分享試玩心得！
ePrice.HK 版主 Keith 已經係台北發佈會嘅會場，準時香港時間晚上點開 Show，睇 Sony Xperia XZ 與 X Compact 嘅發佈會直播，之後就有機玩。Keith 會係 8:30pm - 9:30pm 左右，隨時開啟係 FB 開 Live，現場同大家試玩 XZ 與 X Compwf6! 你亦可以係 FB 留底你想 Wilson 試嘅功能，立即 Click 入來參予啦!
Sony IFA 2016 Xperia XZ / X Compact 發表及評測相關文章
芒更大、相機更強? 獨家爆十月新機 Sony Xperia XZ 官方規格 + 賣價
完美大小 5.2 吋手機！Sony Xperia XZ、X Compact 規格立即睇！
相機都有黑科技！三個 Sony XZ／X Compact 必知的功能
FB Live 試玩直播! Sony Xperia XZ / XZ Compact
延長電池壽命！Sony Xperia XZ、X Compact 充電技術大改造！
【內附多圖】Hands On！Sony Xperia XZ / X Compact 外型評測！
