更美觀！Sony Xperia XZ、X Compact、X Performance 設計大不同
有別於 X Performance 嘅設計，今次 Xperia XZ 在機身正反兩面以及邊框上，都用上了全新的材質，Sony 表示今次係同日本三大鋼鐵廠之一的「神戶鋼鐵」合作，製造出一款名為「ALKALEIDO」（唔好問我點讀，我唔知）的精煉鋁合金，用黎打造 Xperia XZ 的機身，所以在強度方面比起 X Performance 更強，而機身厚度亦只有 8.1mm，相比 X Performance 更薄。不過版主覺得，雖然比 X Performance 少左 0.6mm，但其實好似都仲係厚，網友覺得呢？
另外，Xperia XZ 採用了一體化設計，無論係手機的正面、背面抑或側面，都用上圓弧導角連接起來，由上方或者底部望落去，會呈現一個連續嘅線條，摸起黎唔會有接觸面線條的觸感，Sony 將之稱為 Loop Surface，意味手感相當不錯。而今次的 Xperia XZ 嘅調色都相比之前的 X 更美觀，有 Universe Black (礦石黑)、Platinum (鉑爵銀)、Forest Blue (森林藍) 三種顏色。
至於 X Compact，屏幕相對較小，只有 4.6 吋，解像度亦得 1280 x 720。設計風格其實大致同 Xperia XZ 差不多，不同的是，X Compact 的機身並不是由金屬材質打造，而是改用了陶瓷風烤漆打造。三部機當中，網友會喜歡哪一部機多點呢？
▲ Xperia XZ (右) 以及 Xperia Compact (左)。可以見到明顯的不同是，補光燈的位置，Xperia XZ 是在鏡頭的下方，而 Xperia Compact 的是在鏡頭的右方。
▲ 疊埋一齊，好明顯會見到，Xperia X Compact 的機身會相對細啲。
▲ 先講左 X Compact 先，X Compact 有黑、白、藍三種顏色。
▲ 而因為細芒的關係，拎上手的感覺其實相當不錯，適合單手操作。
▲ Xperia X Compact 機身用了陶瓷風烤漆打造，可以見到好容易會反光，表面比較光滑，個人覺得這樣的材質配搭黑色最靚。
▲ 機背頂部會有 2300 萬像素主鏡頭，X Compact 閃光燈會設在鏡頭右方。
▲ 至於機的頂部左方，會有 3.5mm 耳機孔。
▲ 機的底部，會有 USB Type-C 插槽。
▲ 再講下 Xperia XZ，Xperia XZ 都係有三隻色，分別為黑、藍、銀。就咁睇落，因為機身用上 精煉鋁合金的關係，相對 Xperia X Compact 表面無咁光滑。
▲ 同頭先所說的一樣，Xperia XZ 閃光燈部份設於鏡頭的下方。機背會更明顯看到，跟 Xperia X Compact 的不同。
▲ X Compact 前鏡得 500 萬像素，版主真係堅傷心，不過 Xperia XA 就好啲，保留番 1300 萬像素前置鏡頭。
▲ 後置鏡頭為 2300 萬像素，同 X Compact 一樣，不過 Xperia XZ 就因為 S820 U 的關係，支持 4K 錄影。
▲ 其他外型部份，其實同 X Compact 差不多。如果同 X Compact 拍埋一齊，會見到 Xperia XZ 相對會「修長」多啲。
▲ 唔爭在都俾埋個正面俾大家睇。兩部機黎講，你會喜歡哪一種設計多點呢？
Sony Xperia XZ 在文章發表時，香港上市日期未定，按這裡有詳細規格及最新賣價。
Sony Xperia X Compact 在文章發表時，香港上市日期未定，按這裡有詳細規格及最新賣價。
Sony IFA 2016 Xperia XZ / X Compact 發表及評測相關文章
芒更大、相機更強? 獨家爆十月新機 Sony Xperia XZ 官方規格 + 賣價
完美大小 5.2 吋手機！Sony Xperia XZ、X Compact 規格立即睇！
相機都有黑科技！三個 Sony XZ／X Compact 必知的功能
FB Live 試玩直播! Sony Xperia XZ / XZ Compact
延長電池壽命！Sony Xperia XZ、X Compact 充電技術大改造！
【內附多圖】Hands On！Sony Xperia XZ / X Compact 外型評測！
