每一季都有旗艦嘅 Sony Mobile，又到秋季發佈嘅時間了。昨日，版主阿坤，已爆了呢季兩款重點，包括首創五軸防震智能手機Xperia XZ 及主打細芒及美型嘅 Xperia X Compact 嘅香港官方賣價。大家記得唔記得？（Click 呢到睇番）。咁，出機有乜優惠呢？會送有野送？版主爆嘅價錢，又準唔準？一齊睇睇！
Sony Mobile HK 今日宣佈於 9 月 27 日，係香港預售世界首創五軸防震智能手機 Xperia XZ 及 細芒嘅 Xperia X Compact。Xperia XZ 的五軸防手震，為用家帶來清晰穩定的錄像效果， 三重影像感測技術亦把 Sony 手機攝影效果，再提升至另一個層次，令相片更細緻鮮明。
首先等我先講下網友最關心的價錢先！ 其實之前版主已經搶先曝光香港定價，64GB 雙卡版 Xperia XZ 三色選擇有森藍、礦黑和光鉑，定價是港幣 5698 元；而 32GB 單卡版的 Xperia X Compact 三色選擇有霧藍、夜黑
和月白色，定價是港幣 4198 元。 兩部新機都會係 10 月 7 日就會正式發售。
其中值得注意是，不論 Xperia XZ 和 X Compact 均支援中港 （FDD / TD）及全球主要國家的 4G 網絡制式。而 XZ 雙卡插槽採用 3 選 2 設計，也就是可以自選插槽運行 4G / 3G 或一張 Micro SD 卡 + 一張 4G SIM 卡。
限時預購兩年保養！
同早幾代 Xperia 旗艦一樣，香港開賣前都有預訂優惠！ 即日起到 10 月 6 日期間，購買 Xperia XZ 和 Xperia X Compact 可以獲得額外一年保養，而 Sony HK 官方強調保養包括電池，另外附送 Xperia 時尚背囊和噴霧水樽。而根據官方說法，禮品限量 6400 套，數量有限架！
Sony Xperia XZ 在文章發表時，定價為 $5698，按這裡有詳細規格及最新賣價。
Sony Xperia X Compact 在文章發表時，定價為 $4198，按這裡有詳細規格及最新賣價。
