嘩！大舖即減！Sony Xperia XZ / XC 呢個價，必搶？

剛剛我哋才講了 Sony Xperia XZ 與 Xperia Compact 嘅香港賣價與早鳥優惠 (Click 呢到睇詳請）。其中，加送一年原廠包電池嘅保修，版主真係要讚，至少好過某大廠 D 唔包電池嘅升級優惠！但講到個價，係比較貴嘅。但，大家都知，官方零售價，唔係真賣價，最重要，大店覺得賣幾錢！版主行過場，真係有即減架！個價仲。。。。你衝唔衡先。



其實，香港電器零售商都幾慘，iPhone 7 好賣得，但唔夠貨，想炒機都要去 Apple Store。重點之作 Note  7 又有爆電問題，你信香港三星？大部份用家都唔會信。咁賣乜機？Sony 都出新機，有理無理都搶住客先！Sony Xperia XZ 與 X Compact 即日香港預售，大店為了搶客，立即減價！版主走訪了衛訊與豐澤，已有晒試機，仲有仲大量廣告 Stand。咁賣幾錢呢？

Sony Xperia XZ，即係比較大芒個部，即減三百，即係 $5398。而細芒嘅 Xperia X Compact，減得多 D，即減四百，即係 HK$3798。只要放低三舊水，就可以預訂，十月六日有貨。部份衛訊門市仲加送 64GB 記憶卡及透明套。


▲  Sony Xperia XZ 跟機已係 64GB ROM， 仲係送 Qualcomm QC 3.0 充電器。



▲  Sony 官方網店，都一樣減價賣機。

Sony Xperia XZ 在文章發表時，定價為 $5398，按這裡有詳細規格及最新賣價。
Sony Xperia X Compact 在文章發表時，定價為 $3798，按這裡有詳細規格及最新賣價。