減價又來！Sony 旗艦原價直劈 $2400！
最近真係講得太多 Sony 旗艦減價的消息，版主都唔想，但無辦法，咁真係有減價，唔通我唔話俾大家知咩？近排個市靜得可怕，無論係大舖抑或細舖，手機賣價都無乜大變動，但就喺淡市的環境下，Sony 旗艦減價又來了！今次要講的是 Sony 獨有的 4K 手機 - Z5 Premium，其實以 Sony 旗艦來說，相比開賣兩個月減價四次的 XZ，Z5 Premium 已經算係企得好硬。對上果次減價已經講緊 7 月初的時候，大舖「即減 $2000」賣 $4398。而今日版主留意到，Z5 Premium 終於再有減價，減到 $400，最新賣價為 $3998，網友又會唔會感興趣呢？
▲ Sony Xperia Z5 Premium 終於跌到同 2016 旗艦 X Performance 同價，以近年 Sony 手機來說，Z5 Premium 真係企得好硬，雖然用上 S810 處理器，可能會出現發熱的情況，但無可否認的是，Z5 Premium 的吸引力，大大遠於後來的 X Performance 以及 XZ。除左即減 $2400 之外，購買 Z5 Premium 同樣都會送價值 $528 的旅行套裝，似乎真係幾抵玩！
▲ 另外，在 12 月 30 日之前購買 Xperia 指定型號手機，包括 XZ、X Compact、Z5 Premium 以及 X Performance，然後到衛訊 Facebook 專頁答問題，亦都有機會得到 PS4 Pro 以及 PS VR 一部。詳情可以睇番衛訊 Facebook。
華為手機都有減！減價幾多呢？
除左 Sony Xperia Z5 Premium 之外，原來華為手機都有減價。華為都肯減？係呀，不過減的唔係最新旗艦 Mate 9，而係 P9 系列手機。P9 標準版以及加強版，原價分別為 $3880 以及 $4480，而 P9 Plus 原價則為 $4880，不過原來大舖偷偷地做緊減價優惠 (係暗價黎，已經有減價一段時間，但一直沒有標出來)，P9 系列全線減 $200，無論係標準版抑或加強版，減價幅度都是一樣。唔知減果 $200，又會唔會吸引到你入手呢？
▲ P9 系列衛訊全線減 $200，呢個價錢能唔能夠吸引到你入手呢？
Sony Xperia Z5 Premium 在文章發表時，大舖賣價為 $3998，按這裡有詳細規格及最新賣價。
華為 P9 (標準版) 在文章發表時，大舖賣價為 $3680，按這裡有詳細規格及最新賣價。
華為 P9 (加強版) 在文章發表時，大舖賣價為 $4280，按這裡有詳細規格及最新賣價。
華為 P9 Plus 在文章發表時，大舖賣價為 $4680，按這裡有詳細規格及最新賣價。
