手機殻選擇繁多，但只限於 iPhone 或者過別 Android 手機，如果你係用唔算熱門嘅機款，除左清水殻怕且都無咩好選擇， Sony Xperia XZ 就係一個好例子。
話就話旗艦，但實際上落一轉 MK 深水埗，甚至上淘寶，都會發現同 Smasung LG 等韓國大廠比，揀得落手嘅機殻真係無幾多。香港雖然無，但係上網係 HisTrend.HK 就搵到，佢地引入左台灣 Rinho Shield 呢個做防摔機殼起家嘅牌子，出左 XZ 專屬 Playproof 手機殻，價錢唔平但質素絕對見得人。
獨門 SHOCKSPREAD 技術，3 公尺衝擊抵御
超簡單介紹 Rinho Shield 的 Playproof 機殻，呢款機殻以「襟跌」做賣點，將軟用硬材質調配之後，再結合成蜂巢狀結構，而機手機殻係上下左右四邊包晒，所以唔同角度摔落地都可以保護到。保護力夠帶來問題係手機殼會比較厚，「手細之人」拎上手會明顯發覺手感唔同左，所以如果對厚度極之敏感嘅用家可以忽略下文了⋯⋯
雖然厚左手感有唔同，但並唔代表差！因為 Playproof 手機殻係用左霧面，有少少磨沙 feel ，唔易留指紋之餘亦完全無刮手感，而且針對 Xperia XZ 設計，Playproof 手機殻係開關鍵位置（同時做埋指紋掃描），特意加闊左空間，令用家手指公可以輕鬆解鎖，個人覺得甚至比無機殻時感覺更好。前文提到 Playproof 機殻係用軟硬質料調配而成，所以你好難定義到底 Playproof 機殻算係軟殻定硬殻，佢無軟殻咁容易裝拆但就比軟殻襟跌，而且比起硬殼亦無跌爆殼呢類問題。
以價錢而言差唔多 $198 港幣無疑係有少少貴，所以個人會推薦加少少錢玩大約 $248 的「個人化機殻」，款式多同無咁單調。至於抵唔抵，呢個根本就唔能夠成為一個問題，市面上叫做有質素嘅 Xperia XZ 機殻唔敢話完全無，但都差唔遠，無選擇之下有 Rinho Shield 機殼用仲唔狗衝咩？
