Motion Eye 相機系統是重點
Sony Xperia XZs 嘅重點，在於全新加入嘅 Motion Eye 相機系統！呢個系統比起上一代 Sony Xperia 手機，更加先進 。採用全新 IMX400 感光元件，是市面上首部手機內置存取憶體 Exmor RS 感測器，通常都只係放係高階相機，今次第一次將呢個技術投放係手機上，夠哂厲害。加上改良嘅 Bionz for Mobile 影像處理器及重新設計嘅 G Lens 鏡頭，令影像處理速度比起之前再快 5 倍。全新1900萬像素的感測器，像素大小增加 19%，令 Xperia XZs 相機可以捕捉更多光源，不論低光及背光，比起前代 Sony Xperia 手機，可拍下更清晰細節及銳利影像。與此同時，因為 Xperia XZs 嘅感光元件有內置記憶體，做到預測拍攝 (Predictive Capture) 功能，手機偵測到有主體移動，便會在按快門前自動開始緩衝影像，拍攝多達 4 張1900萬像素相片，令用家不會錯過動感的每一刻。我哋問過不少在場試玩網友，都話 Xperia XZs 影相反應真係快 D，影得更爽。
▲ Xperia XZs 網友體驗日反應十分熱烈，全場滿座之餘，網友在聽完 Xperia XZs 介紹後，都出晒來試玩手機及向 Sony Mobile 的 人員發問問題。
▲ 今次請來 100 毛攝影師 Derick Wong，講解點様用 Xperia XZs 拍攝人像，影得又 Pro 又靚。
網友齊試每秒 960 格「超慢動作攝錄」
不得不提，今次 Xperia XZs 做到每秒 960 格的速率記錄生活中的每一刻，呢個叫「超慢動作攝錄」以較一般慢 32 倍的速度來進行超慢鏡重播，就好似科幻電影或紀錄片裡面嘅慢動作播放效果，到底有幾掂？我哋係網友體驗日，安排了有獎遊戲，只要用 Xperia XZs 手機，係場地安排嘅場景，拍得最好，最有趣嘅 960fps 超慢動作短片，就有機會得到 Xperia XZs 手機一部。在場網友擁躍參予，拍出來嘅短片都好有質素！
▲ Xperia XZs 用上全新 Motion Eye 相機系統。
▲ Motion Eye 其中一項新功能叫 Predictive Capture 「預測拍攝」，手機可以在你按掣拍攝郁動嘅相片之前，已紀錄了三張足 1900 萬像素相片，讓你更易捕足動感一刻。
▲ 現在擺放了不同 Setting 等網友試拍超級慢拍。
▲ 當日網友拍攝 960fps 超慢動作短片，我哋揀了當中最好嘅，呢到係精華，係咪好過癮呢？
▲ 經 Sony Mobile 人員即場揀選，陳先生拍攝得最好睇，大獎 Sony Xperia XZs 一部，就係佢了，我哋會跟你聯絡有關領獎事宜。
