用盡 4K 屏幕效能！Sony XZ Premium 終極續航測試

左定坤 (Cho Ting Kwan) 2017-04-27 07:59 | Sony

一連四日的 Sony 日本 trip，終於踏進了第三天，明天就會回港。在這幾天中，版主已為大家分享過旗艦新機 Xperia XZ Premium 的外型、屏幕、相機賣點等等，相信大家大概對呢部 XZ Premium 有基本的概念。無可否認，Sony 手機設計一向都係不錯的，就算去到今代 XZ Premium 都是一樣，不過用過咁多部 Sony 旗艦機，各方面都不算太差，但大家最關心的，是續航的問題。到底 XZ Premium 在續航能力方面，有沒有改善到呢？本文版主就會同大家測試一下。

Sony Xperia XZ Premium（Facebook）.jpg

獨家播放 YouTube 4K 影片！3230mAh 可以播放到幾耐呢？

今代的 Sony Xperia XZ Premium，電量有 3230mAh，但佢今次用回 4K 屏幕，續航方面又夠唔夠用呢？測試手機電量，ePrice.HK 一向都有自己訂立的標準，最常測試的應該是播 YouTube 片以及玩遊戲。咁先講下播 YouTube 片表現，同以往不同的是，今次版主會測試用 Sony Xperia XZ Premium 播放 2160p 影片 (按照 Sony 說法，XZ Premium 是獨家能夠在 YouTube 播放 4K 影片的手機，咁都正常嘅，除左 Sony 手機，仲有邊部可以支持 4K 屏幕呢？)，並且將「色域及色差」設至「超生動模式」(即使用更鮮豔的色域呈現光亮的顏色效果)，睇下在最佳情況下，大約可以播放到幾耐的 4K 影片。

▲ 開始播放影片時間為 02:01，嘗試測試一下播放 4K 影片可以播幾耐。測試條件是: 亮度 100%，音量約 75%，並連上了 Wi-Fi 網絡。

▲ 播放 30 分鐘，電量剩下 85%，即大約用了 484.5mAh 電。換算上來，Sony Xperia XZ Premium 約可連續播放 4K YouTube 影片 3 小時 20 分鐘。

S835 夠唔夠慳電？用 XZ Premium 玩 3D 遊戲，又如何？

除左睇影片之外，有咁清楚的 4K 屏幕，點可以唔用來玩遊戲呢？玩 3D 遊戲，毫無疑問一定會相當清晰，體驗會很不錯，但玩 3D 遊戲時的續航能力，亦是很重要。ePrice 以往一直都是用《GT Racing 2》遊戲作為測試，所以版主今次都會同樣用 XZ Premium 玩《GT Racing 2》，睇下同其他型號手機相比，相差得遠唔遠。

▲ 測試時間為 12:04，將電池充到 100%，條件同播影片的一樣，都是亮度 100%，音量約 75%，並連上 Wi-Fi 網絡。

▲ 玩左 30 分鐘之後，電池剩下 86%，即用了約 452.2mAh 電。換算上來，利用 XZ Premium 可連續玩高晝質 3D 遊戲約 3 小時 34 分鐘。

小結

在上面的測試中，版主用盡了 Sony Xperia XZ Premium 的 4K 屏幕效能，並得出以上的結果。不過，版主有以下建議，如果平時你出街打機睇片的話，可以降低一下手機的解像度，並開啟 STAMINA Mode，播片用返 1080p，這樣做可以更省電。而如果你喺屋企，躺在床上用手機睇片，就將 4K 屏幕效能提高番，這樣做版主覺得會是最好的。