先說好唷，之前版主帶住華為 P10 Plus 去旅行，寫了一篇遊記同大家分享我的旅程，別以為這次 Sony 日本 Trip，版主又會用同樣的方法去展示 Xperia XZ Premium 的相機效能，說到底版主此行是去工作，而非去玩唷～(說到這裡，版主就很後悔，為何當初為了保住荷包，沒有提出要 Stay Behind 呢
) 所以呢，這篇文章沒有太多好靚的景點，難免會令大家有點兒失望，但望下酒店附近周圍的景色，睇下版主食乜好西，參觀一下 Sony 日本總部，去橫濱八景島海島樂園玩，其實都有不少地方跟大家分享。當然，千萬別忘記這篇文章的初衷，就是讓網友比較一下 XZ Premium 的 Motion Eye 相機，以及 P10 Plus 的 Leica 相機，等大家俾啲意見，覺得孰優孰劣。漫遊數據 SIM 篇
老老實實，今次係版主這輩子第一次去日本，所以好多地方我都覺得很好奇，充滿新鮮感。在出發之前，版主 Keith 交了兩張 SIM 給我，一張是行 Softbank 網絡的「中國移動香港 3G 日本數據卡」，有效日期為 7 日，有 20GB 3G 流動數據可以使用; 而另一張則是用 Docomo 網絡的 3HK 「漫遊流動數據儲值咭」，這張 SIM 可以讓你遊遍亞洲 4 國，包括南韓、日本、馬來西亞以及澳門，同樣有效日期為 7 日，但就只有 3GB 可以使用，不過就係行 4G 的。網速又如何呢？版主就在酒店內測試一下。Softbank: 中國移動香港 3G 日本數據卡
▲ 呢張 CMHK 3G 日本數據卡，其實係之前 CMHK 搞限時搶購優惠，用 $48 搶返來的。版主放左落 iPhone 7 Plus 上使用，經網速軟件測試，下載速度有 5.16Mbps，雖然是 3G，但速度可以接受。不過要注意的是，並不是日本所有地方，Softbank 都可以收得到，所以版主就帶多張 Docomo 網絡的 SIM 旁身。
▲ 無錯，講緊就係 3HK 這張可以遊遍亞洲 4 國的 7 日 3GB 4G 漫遊儲值咭，經測試得出，下載速度有 12.44Mbps，上網速度都算不錯。
日本東京街道隨拍篇～(圖 1: Sony XZ Premium; 圖 2: 華為 P10 Plus)
▲ 版主此行住在品川駅附近的東京詩穎洲際酒店 (ストリングスホテル東京インターコンチネンタル)，去到酒店放低了行李，就在附近周圍逛逛，順便影下一些試相。放大兩張相來看，看看粉紅底白字的「美容外科」，會發現在夜拍下，XZ Premium 比 P10 Plus 清晰之餘，似乎油畫化情況亦大大改善了。
▲ 都係一樣，留意一下鐘面上的字，會見到 XZ Premium 出來的成像係比較實啲。
▲ 燈光處理表現，兩部機都不相伯仲。
▲ 在昏暗環境下，Sony Xperia XZ Premium 的成像相比華為 P10 Plus 更為光亮。
▲ 自助單車出租，版主印象中好像香港沒有這樣的服務，如果放在香港，未俾人偷哂啲零件，已經偷笑。不過講真，版主覺得 XZ Premium 影出來比較能夠還原真實色彩。
▲ 附近有 Lawson、7-11、Family Mart 等便利店，夜晚肚餓想出黎買東西吃，都相當方便。便利店內環境算係光，XZ Premium 成像的 detail 還是相對 P10 Plus 多。
▲ 有行家講到來到日本，明治雪糕唔食唔得，所以版主都特地買來試下，確實好好吃，而且冰箱溫度處理亦很好，在保持冰冷之餘，不會覺得特別硬。
▲ 注意！！！這兩張都是用 Sony Xperia XZ Premium 自拍的，讓大家看看在夜間下前置鏡頭的表現。
參觀 Sony 日本總部篇
Sony XZ Premium 相機配備五軸電子防震功能，這項功能在影片拍攝上可以顯示得到。難得來到 Sony 日本總部 - 這些平時無機會會去到的地方，當然不要浪費，讓版主一邊行，一邊錄製影片，讓大家一覽到底 Sony 日本總部有甚麼可以看。▲ 可以留意到，在 Sony 日本總部中，展出了不少現時 Sony 的產品，包括 Xperia 手機、耳機、相機、智能家居產品、遊戲機等等。
▲ 在日本總部裡，有一些儀器讓記者們可以測試 Sony Xperia XZ Premium 的新功能 - 「預測拍攝」。當相機 detect 到主體在移動時，這項功能就會自動啟用，影完相之後，就算你按快門果下慢左，都可以透過這功能，睇番 1 秒內的 4 張影像。
▲ 在日本總部內的慢動作拍攝測試。要注意的是，在進行慢動作拍攝時，環境光度是相當重要的，如果唔係，未必能夠做到最理想的效果。
Sony 今次帶我哋食左乜好西呢？(圖 1: Sony XZ Premium; 圖 2: 華為 P10 Plus)
▲ 唔理係去旅行還是在香港，食好西當然留給相機食先～呢個係我們第二天晚上吃的，以上是類似蝦肉的物體。本來平時我在香港好少會食這些東西，但還是吸引到我去食。
▲ 這個包到那麼靚是甚麼來的？
▲ 原來打開之後，入面係一些蔬菜來的。
▲ 版主打文時睇返呢啲相，覺得好肚餓，好想即刻落去食番啲嘢...... (日本時間凌晨 2:30......
)
▲ 放心，啲肉唔係生食嘅，不過廚師讓我們先拍照。
▲ 廚師煮完之後，會剪成粒狀物體，給我們享用。
▲ 這個又是甚麼來的？這個是第三天下午吃的飯盒便當，雖然是飯盒，但是超特別的。其實在旁邊會有一條黃色的線，只要把這條線拔出來，就會自動加熱，等 6 - 7 分鐘就食得。
▲ 打開飯盒，係咪賣相都挺不錯呢？加把口一說，留意下啲飯的顏色，會覺得 Sony Xperia XZ Premium 的色相比 P10 Plus 會準一些。
▲ 第三日晚上，食蟹！真係在這餐入面，食親都是蟹。
▲ 頭先上面係熟蟹來的，而這個則是生蟹。好奇怪的是，版主去到韓國是不敢吃醬油蟹的，但沒想到來到日本我會吃生蟹。
▲ 睇完上面啲相，是否都好想吃呢？
日本「海洋公園」: 橫濱八景島海島
▲ 橫濱八景島海島公園，感覺就像香港的海洋公園，有海豚、白海豚、海獅表演節目。
▲ 在觀看表演過程中，亦測試一下手機的 Super Slow Motion 功能。
▲ 見到有咁多魚，係咪覺得好狀觀呢？呢度的沙甸魚，原來有成 7 萬條之多，實在是太誇張了！
▲ 要留意的是，XZ Premium 拍出來的影像比較偏綠。
▲ 不過在背光情況下，華為 P10 Plus 就顯得顏色比較出啲。
▲ 我哋都有坐咖啡杯玩，順便再試下 XZ Premium 上的慢動作。
▲ 謝謝友網行家幫忙拍攝，用 Sony Xperia XZ Premium，就可以玩到呢種效果！
小結
睇完上面啲相之後，有無有少少想去日本東京玩的感覺呢？你又覺得 Sony Xperia XZ Premium 的表現如何呢？比較過 XZ Premium 以及 P10 Plus 兩部手機，版主個人認為，XZ Premium 的成像相對更能還原真實色彩，而且細緻度亦相對 P10 Plus 更佳。然而，有些可能係軟件部份問題，我就覺得有些相片影出來會有少許偏綠，網友又點睇呢？Sony Xperia XZ Premium 發表 + 評測 + 相關文章
4K 大芒回歸！用 S835 截三星糊！Sony XZ Premium、XZs 好吸引？日本試玩 Sony S835 旗艦新機！XZ Premium 外型 + 屏幕 + 版主上手後感
四個賣點，話你知 Sony Xperia XZ Premium 相機點贏對手
Sony 設計師爆料：有推出全面屏手機的打算！
用盡 4K 屏幕效能！Sony XZ Premium 終極續航測試
Motion Eye、Leica 相機大激鬥！Sony XZ Premium 東京食、行、玩分享
Sony 自爆 Mora 擬在港推出！買 Hi-Res 音樂多一個選擇
Xperia XZ Premium 上市在即 跑分網揭真正實力
Sony Xperia XZ Premium 在文章發表時，香港上市日期未定，按這裡有詳細規格及最新賣價。
