必買理由一:獨家玩 實時 3D 掃描
手機影相,已不是單講質素咁簡單,係要唸埋有乜新玩意。Sony 著重玩樂,係 Xperia XZ1 加入了實時 3D 掃描。透過 3D Creator (3D 建立工具) App,再配合 XZ1 嘅鏡頭,網友可以即時幫朋友 Scan 一個 3D 大頭相。透過 Xperia 手機內置軟件,大頭相可以變成好好玩嘅 icon,透過唔同 Messaging 軟件,好似 WhatsApp 咁,再 Share 俾朋友。效果係點,不如睇圖,睇片!
▲ 要玩實時 3D 掃描,就要開著呢個 App (3D 建立工具) 要 360 度掃描你個朋友成個頭,就要揀「頭部掃描」,但如果想簡單 D 嘅話,揀180度「臉孔掃描」都可以。
▲ 今次我哋揾左 Model 姐姐做示範,要掃描個頭部,過程大約就係咁,配合光線適當燈光,約兩分鐘,成個 Model 嘅 3D 頭像掃描完成。
▲ 呢個 3D 頭像,可以利用 Sony 手機 AR 軟件玩餐飽了。
▲ 只要你係分享部份,選擇 Sony AR 效果,就可以將頭像造成唔同造型,仲有唔同動作姿勢選擇,效果十分過癮。
▲ 呢條片有晒 the making of...仲有實際效果會係點。
▲ 當然,由 Xperia XZ1 製作嘅頭像,仲可以輸出標準嘅 3D 打印格式。我哋問過,香港有 3D 模型舖頭, Read 到 Xperia XZ1 製作嘅 3D 頭像,做一個如圖中嘅公仔 (只顯示面部部份),最平 700 蚊左右有交易。
必買理由二:Loop Surface 設計
好多手機都話抄襲 iPhone,但手持 Sony 手機,一定唔會有呢種感覺。以 Xperia XZ1 為例,繼承了 XZ 系列的外觀,Xperia XZ1 在外型部分一樣是由 Loop surface 的設計風格打造而成,不過機身背面改為一體式的全金屬設計,少了過去機背底部的一塊天線零件區塊,取而代之的是天線膠條設置在機身邊框周圍,讓全金屬機身結構的視覺效果可以更加完整,簡單來講,好好睇,好靚。
必買理由 3:對焦連拍最快
不少旗艦手機,都話自己影相最靚,但我哋睇嘅評測,都係以靜態相片,如風景照或大頭相為主,但實際環境下,我哋可能更要捕捉移動嘅快嘅感覺,如小寵物嘅神態、小朋友嘅玩樂情況。Sony Xperia XZ1 配備嘅 Motion Eye 相機系統,可以做到最高可追焦連拍達100 張1900 萬像素相片(10 fps)。我哋用一款生果手機 (iPhone 7) 與 Xperia XZ1 比拼連拍,發覺 Xperia XZ1 在追縱跳舞中嘅 Model 拍照片,拍到清晰相片機會,的確高好多。
▲ Xperia XZ1 可以係連拍時,不停追焦,令一百張連拍也可以張張 1900 萬像素高清高質相片 。最好做法係先用手指對焦,之後 XZ1 嘅 Motion Eye 相機,就會自動追焦。一如大部份 Sony 嘅旗艦手機,Xperia XZ1 擁有實體快門鍵,可以設定支援連拍,就可以好似真相機咁,長按即拍一百張相啦。
▲ 連環拍攝嘅效果。
▲ 左面是 iPhone 7 右面是 Xperia XZ1 連拍時的效果,我哋隨意抽一張出來做比較。
▲ 只要放大,就可以見右面,即係 Xperia XZ1 拍出來嘅照片Model 清晰度,比起左面嘅 iPhone 7 來得高,代表 XZ1 追焦連拍效果出眾。
必買理由 3:獨有微笑預測拍攝
Sony Xperia XZ1 嘅預測拍攝功能,今次仲加埋微笑預測拍攝,手機會自動感應對方係咪微笑中已立即進行拍攝,真係 Never Miss a smile 啦。▲ 微笑預測拍攝,Xperia XZ1 相機會預測到被拍者微笑一刻,其紀錄前後四張相片,等大家選擇邊一張笑得最好睇。
必買理由 5:睇 Netflix 必備!HDR 屏幕顯示
Sony Xperia XZ1 配備 5.2 吋 Full HD 屏幕,並支援 HDR (High Dynamic Range) 高動態範圍,HDR 芒能顯示更豐富的色彩和更出色的對比度,簡單來說,黑得特別黑,更加突出其他彩色的層次。而美劇網友要留意,因為 Sony Xperia XZ1 已正式支援 Netflix 上面嘅 HDR 電影及劇集!▲ 只要你係 Netfix Premium 用戶,就可以係 Xperia XZ1 睇到大 HDR 效果嘅劇集。
必買理由 6: 搶先支援 Android 8
網友都會有錯覺,要用最新版本 Android,一定要用 Pixel 系列,誰不知今次 Xperia XZ1 出機已預載 Android 8.0 Oreo,比起同期發佈及上市嘅手機,更快感受到呢塊朱古力餅嘅好處。用 Android 8.0 Oreo,有乜好?其中最重要,睇圖認識吧!
▲ Android 保安更新,會由 Google 直接推送!以保你嘅手機更加安全。
▲ 你可以控制 App 的通知頻段,甚至對個別 App 的提示,發出不同嘅響聲。
必買理由 7: 最佳防水手機體驗
雖然防水手機已成為旗艦手機必備功能之一,但識買嘅,當然係 Sony Xperia 手機,好似呢部 Xperia XZ1,支援 IP68,比起生果手機 IP67 都要高,有更好嘅防水效果,至少落雨天,手機在戶外使用也不是問題。而 Sony 防水手機支援濕手指操作,令你係手機濕水嘅情況下,依然可以操作自如。當然,Sony 維修部有多年處理防水手機維修問題,就算手機不幸出事,用家都會有最好嘅體驗。
▲ 真架!Sony Xperia XZ1 濕咗水都可以操作得到,對手唔得架喎。
小結:功能/玩樂先決
睇左咁耐,咁 Sony Xperia XZ1 效能係幾多,AnTuTu 跑分又幾多?其實,之前我哋好多評測都講過,唔係唔再講,只係我哋覺得,買手機唔係單單講效能,最重要有無特別好玩嘅野;而因為手機影相好重要,點先影到張靚相呢?係呢 d 部份 Sony Xpiera XZ1 可說是様様到位。同期有另一款 XZ1 Compact 上市,有齊除了 HDR 屏幕外,其他影相、3D 頭像製作等功能,如果你愛細芒機, XZ1 Compact 都係一様咁好選擇喎。▲ 左為 Xperia XZ1 右為 Xperia XZ1 Compact
資料由客戶提供