今次出現暗價的大舖是豐澤，突然聽到有店員說起，由今日開始 Sony Xperia XZ Premium 口價將會減到 $4698，不過並不是所有色都得，暫時只係粉紅色的 XZ Premium，先有呢個價，其他顏色則暫時維持 $5498 價位。雖然只係限粉紅色，而且個人覺得粉紅色並不及其他的顏色美觀，但佢假假地都係一部 S835 旗艦手機，跌到呢個價錢，網友覺得值唔值得入手呢？
▲ 最右邊果部就係粉紅色的 XZ Premium。
Sony Xperia XZ Premium 開賣至今其實都是半年左右，唔單止有 5.5 吋 4K 芒，仲要配備 S835 旗艦處理器，內置 4GB RAM 以及 64GB ROM，用上了 1900 萬像素主鏡頭以及 1300 萬像素前置鏡頭，並且內置存取記憶體 Exmor RS 感測器，更能夠以每秒 960 格的速率進行慢動作攝錄。另外，XZ Premium 具有 3230mAh 電池，並已可升級 Android 8.0 作業系統。
Sony Xperia XZ Premium 在文章發表時，粉紅色大舖暗價為 $4698，按這裡有詳細規格及最新賣價。