Sony 手機大舖有新低價
今次減價的兩部手機，主要是 Sony Xperia XA1 Plus 以及 Xperia XA1 Ultra。可能係因為新機 Xperia XA2 同埋 XA2 Ultra 快到貨的關係，所以舊機在賣價方面，點都應該要有少許調整。不過咁，今次大舖對 Sony 手機的減價，似乎就有點叫人失望。減得果 $100，最新賣價分別為 $2098 以及 $2698，似乎好難因為咁而吸引到網友幫佢清貨吧？版主原本還期待，XA1 Ultra 今次減價，起碼都要減到 $2298 嘛，得 $100 實在少了一點。
▲ 要注意唷，版主問過百老匯，似乎並沒有跟豐澤減價，而衛訊個價似乎亦沒有變動。
▲ 6 吋大芒機，$2698 但得 MTK P20 處理器，你會接受嗎？
至於新機 Xperia XA2 以及 Xperia XA2 Ultra，又有沒有甚麼進一步的消息呢？根據版主目前收到的風聲，XA2 會如常在 2 月 9 日上市，而 XA2 Ultra 則會在 2 月 14 日上市，但會否有「一出即減」優惠，各大舖紛紛表示：暫時未有相關消息。如呢兩部新機有減價的話，版主會第一時間同大家分享。
同價位邊部手機最值得入手？
Sony Xperia XA1 Plus 同 Xperia XA1 Ultra 減得果 $100 咁少，其實呢個價位會唔會有更好的選擇呢？版主咁講得，當然有呢！唔好話我撐唔撐 HTC，我對 HTC 的立場係點，相信識我的朋友都會知道，但無可否認的是，暫時最值得入手、最抵玩的，始終都是 U Ultra，$2398 呢個價錢，買到 S821 旗艦級的享受，要大芒佢都有 5.7 吋兼且 2K 芒，而且電量比起 XA1 Ultra 還要大，有 3000mAh，又會唔會新年必買首選呢？呢個價位你仲鍾意邊部手機？留言討論下啦！
▲ 按上圖或按這裡，可比較三部機規格配置上的差別。
Sony Xperia XA1 Plus 在文章發表時，大舖賣價為 $2098，按這裡有詳細規格及最新賣價。
Sony Xperia XA1 Ultra 在文章發表時，大舖賣價為 $2698，按這裡有詳細規格及最新賣價。
