根據新聞稿顯示，Sony Xperia XZ2 的建議零售價為 $6198，有水光銀、琉璃黑、森湖綠、紫晶粉四種顏色，而 Xperia XZ2 Compact 的建議零售價則為 $4998，有雪映銀、霧夜黑、冰湖綠、珊瑚粉同樣四種顏色。呢兩個價同之前版主爆的完全一樣。兩部手機都會即日開始預訂，並在 23/3 正式開賣，到時大舖有無即減，未有消息，一有消息再 update 大家。
Sony XZ2 Compact 機背雖然膠膠地，但版主傾向鍾意呢種材質多一點。
Sony Xperia XZ2 用上水漾玻璃材質。
至於跟機有乜，而預訂又會有咩優惠呢？Xperia XZ2 以及 XZ2 Compact 港澳行貨之跟機充電器及耳機，已升級至 Quick Charge 3.0 快速充電器 UCH12 (價值 $298) 及入耳式立體聲耳機 MH750 (價值 $308)。跟機附有 3.5mm 音頻轉接線 EC260。另外，由即日起至 3 月 22 日購買 XZ2 或 XZ2 Compact，會送多個輕觸式智能手機套 (XZ2 限量 2000 個，而 XZ2 Compact 則限量 600 個)。由即日起至 4 月 30 日購買 XZ2 / XZ2 Compact，更可登記享額外一年保養或 6 個月意外損壞保障。
XZ2 買機仲會送無線充電器 （衛訊）。
兩部機之中，其實版主會比較偏向 XZ2 Compact 多點，因為對於 XZ2 的水漾機背設計，其實我個人麻麻地喜歡，而 XZ2 Compact 雖然一樣有改設計，但機背並不是用水漾玻璃設計，而且機仔細細，啱好似我呢類手細的人。同時，XZ2 Compact 雖然係細機，但配置卻是旗艦級，有 S845 處理器 + 4GB RAM + 64GB ROM，所用的相機模組都是同一款，個人覺得比起 XZ2 更具吸引力。你又會怎樣選擇呢？
Sony Xperia XZ2 在文章發表時，賣價為 $6198，按這裡有詳細規格及最新賣價。
Sony Xperia XZ2 Compact 在文章發表時，賣價為 $4998，按這裡有詳細規格及最新賣價。
Sony Xperia XZ2 / XZ2 Comact 評測系列
S845 6GB 旗艦抵港 平過三星？Sony XZ2 / XZ2 Compact 賣價 + 優惠
S845 U 又有 6GB RAM，配置好屈機？Sony Xperia XZ2 效能實測
Sony Xperia XZ2 實測：4K HDR 錄影、多圖實拍
[詳細解說] Sony Xperia XZ2 你一定要知的新設計與功能 + 2018 雙相機模組
