感覺是薄了的 XZ2
剛推出無耐嘅 Sony Xperia XZ2 Premium 係好勁，夜拍與黑白拍攝都係一流水準。但呢部機的厚度及闊度，都攪到唔少 Sony Fans 等下一部新機，呢部絕對係九月底十月上市嘅 Xperia XZ3。在先前嘅 XZ2 系列中，Sony Mobile 強調手機提供視覺、聽覺、觸覺體驗，而 XZ3 延續呢 D 體驗，做更進一步的升級，但外型就差不多！Sony Xperia XZ3 跟一星期前，網上流傳嘅官方照片：一模一樣！就算版主好留意 Sony Mobile 型號，都分別唔到 XZ3 與 XZ2 於外型上嘅大分別。Sony 係咁講嘅：「 Xperia XZ3 延續 XZ2 的 Ambient Flow 嘅設計語言，採用雙面玻璃加上 7000 系列鋁合金邊框材質，前後玻璃均採用 Gorilla Glass 5 ，保護性更提昇；而前後的 3D 曲面玻璃設計加上僅 3mm 厚度的金屬邊框，融合成一個連續曲面，不但握感更好，而且視覺上的厚度比起 XZ2 更薄。」
講完一輪，簡單八個字可以形容：主要設計無大改過
▲ Xperia XZ3 會有四種色系：黑、銀、綠、紅。日系手機 Fans，紅色必定是重點色。
▲ 正面的設計同上代分別不大。
▲ 機背都係咁嘅樣子。
▲ 有 USB Type-C 插槽。
講完外型，功能上，Sony Xperia XZ3 又係咪充滿「黑科技」力量？立即睇規格 + 特色
a01：繼續 Qualcomm S845 處理器，無降頻，無超頻
a02：6GB RAM + 64GB ROM 繼續是朋友，好采是 UFS 2.1 規格嘅 ROM
a03：電池繼續 3300 mAH，有 Qi 無線充電，有 USB PD 快充技術
a04：4G+4G 雙卡雙待、microSD 記憶卡擴充（三選二卡槽）
a05：首度採用 Android 9.0 Pie 系統；首度採用 Android 9.0 Pie 系統；首度採用 Android 9.0 Pie 系統，全球首部，要講三次。
Give me 黑科技 Please....
b01: 首度採用 OLED 6 吋 18：9 屏幕面板。解像度為 QHD+（2880 x 1440）2K 芒，2K 芒！（版主按：乜唔係話 2K 芒，最無內容支持，Sony 唔多 Buy 架咩？）
b02: 支援 1,000,000:1 Pure Black 超高屏幕對比，支援更廣的色域顯示；支援 HDR，並且加入 Sony 在自家 BRAVIA OLED 電視的顯示技術。
b03：由於採用 OLED 芒嘅關係，XZ3 可支援屏幕 Always-on，在鎖定畫面下可顯示必要資訊：時鐘、通知等等，Sony Mobile 表示 Always-on 的耗電量極低，平均一小時也僅消耗 1% 電力；顯示的圖樣也會定時隨機更換位置，避免屏幕烙印情形發生。
OLED 芒，iPhone 都有用啦，點算係黑科技，有無再勁 D.....
c01 : Xperia XZ3 有手勢操作功能：Side Sense。對，名字叫 Sense...透過感應屏幕兩側曲面的部位達到單手操作，（詳情之後有試玩）。
相機呢？有無四千萬像鏡頭？
d01：採用跟 XZ2 一樣嘅 1900 萬像素 Motion Eye 感光元件，單鏡頭支援最高 ISO 12800 感光度。
d02：前置相機係 1300 像素，光圈也加大至 F1.9。
d03：加入 XA2 Plus 中嘅「肖像自拍功能」，可針對自拍做美顏、瘦臉或是開啟景深模式。
d04: 透過深度學習有新嘅手勢拍照。從口袋中拿出手機，並且打橫，手機就會預測使用者想要拍照，然後會自動啟動相機。相機介面會用圓形標示出取景物，只要點選一下這個圓形區域，就可以進入完整相機介面，或是直接拍照。而 XZ3 也會聰明到可以分辨你要影相還是單純要用手機，如果只是單純從口袋中拿出手機使用，相機介面就不會打開。
d05: 一樣支援 1080p 960fps 超級慢動作錄影、4K HDR 錄影
d06: XZ3 的 3D 即時掃描功能在掃描人像之後，還可以在 3D 模型上加入 10 種表情動畫，並可轉化成 GIF 動畫分享給朋友。
仲有無？有嘅
e01: 加入智慧振動回饋 (Dynamic Vibration System) 手機可與音效同步發出振動。e02: 內建前置立體聲雙喇叭，上方的喇叭比起前一代體積更大 20%，因此能提供更大的音量；
e03: XZ音量調整也從以往的 15 段變成 30 段，調整更細緻。
e04: 藍牙音訊部份，新增 AptX HD 音效
睇完之後，今次 Sony Xperia XZ3 玩嘅黑科技唔多，功能只係補完 XZ2，大家又點呢？
Sony Xperia XZ3 在文章發表時，香港上市日期未定，按這裡有詳細規格及最新賣價。
圖片來源：Techradar
Sony Xperia XZ3 評測系列
全球首部原生 Android 9.0 手機！Sony Xperia XZ3 解說一個表睇晒！Sony Xperia XZ3、XZ2、XZ2 Premium 規格比較
Sony Xperia XZ3 現場上手速測，外表有驚喜
即場試玩 Sony Xperia XZ3 Side Sense 側邊操控
三星 vs SONY OLED 屏幕比較
