早兩日版主就有朋友同我講，聽聞最新果部 Sony Xperia XZ3，會賣成七千咁貴喎，我心諗唔會啩，連 Sony 一部 S845 手機，都玩到咁貴？嚇死人咩？好在，後來有可靠消息話俾版主知，唔使咁貴：XZ3 會在 12 / 10 正式開賣，建議零售價為 $6598，呢個價比想像中平好多。
可能，今年 iPhone 賣到過萬蚊咁貴，而家聽到 $6598，突然覺得已經係好「抵玩」了。不過，都提過啦，其實 XZ3 同 XZ2 大家都係 S845 手機，進步唔算話十分大，係多咗一些 AI 上的功能，提升使用體驗，同埋機身輕薄咗，相差 $1400，值唔值得買，真係好睇粉絲忠誠度有幾高。不過，Android 手機唔同 iPhone，一向都會有頗大的減價空間，或者到開賣果陣，會有「一出即減」吧？
Sony Xperia XZ3 在文章發表時，建議零售價為 $6598，按這裡有詳細規格及最新賣價。