有 Telegram 網友就 share 咗一張圖出嚟，呢張圖就顯示有網民在一則微博內留言，爆出 Sony Xperia 1 的香港賣價以及開賣日期。發文內容是這樣的：
#Xperia 1 #索尼Xperia 1 國行售價5999 (6 月 1 號開賣) 港行售價 6998 (5 月 26 號開賣)
雖然未知呢個傳聞的準確性，不過版主都有去大舖向 Sony Promotor 八卦下，佢就表示開賣日期同佢收到的消息吻合 (佢哋收到消息都係預計 5 月 2X 號呢啲時間)，唯一賣價部份就有少少保留，表示而家 Sony 手機賣價都變哂做「99」尾，就好似 Xperia 10 Plus 賣 $2999，所以唔排除應該是 $6999。當然，Sony 到呢個 moment 都唔公開賣價，有機會內部仲喺度調整緊，如果版主一收到更確實的消息，就會第一時間跟大家分享！
Sony Xperia 1 在文章發表時，將於五月下旬上市，官方賣價尚未公佈，按這裡有詳細規格及最新賣價。