Sony 紫色最靚
喺講 Sony Xperia 1 有乜咁屈機之前，先睇睇呢隻 Sony 紫色，係呀！係多 Sony Fans 都愛嘅經典紫色！就算你唔算 Sony Fans，比較市面上千篇一律嘅手機都有新鮮感，帶佢出街，特別有型。先用不同角度，欣賞一下。
001: 4K HDR OLED 屏幕
Sony Xperia 1 其中一大賣點，用上全球首創 4K HDR OLED 芒！用 OLED 芒可以令到黑色更黑，提高畫面嘅對比度。OLED 類型嘅屏幕，韓國廠有用，美國廠有用，咁 Sony Xperia 1 呢隻 4K HDR 芒又有什麼分別？Sony Xperia 1 所用嘅 OLED 芒，有以下兩大特點：
→ 每個像素都能自行發光，配合 Sony 針對 OLED 芒嘅色彩調整對應技術，在觀看明亮畫面時，可以呈現更細緻的細節，就算在強烈陽光下，畫面都能清楚顯示，可視角度大大提高。
iPhone XS Max 偏紅，Sony 色準
Sony 更自然，細緻度更高
放大比較
21:9 可看到更多內容
▲ 在日光下，Sony Xperia 1 的亮度都好足夠閱讀及睇相。
→ Sony Xperia 1 用上 21：9 芒，呢個比例簡直係欣賞電影的「黃金比例」，配合佢所用上的 BRAVIA 電視技術 - X1 for mobile 圖像處理引擎及由 Sony 專業的 Master Monitor 色彩重現技術所啟發的全新原創模式 (Creator mode)，結合 HDR 重製技術，令 Xperia 1 能夠還原電影銀幕中原有嘅色彩，同時影像會更有層次、更清晰，色彩更亮麗。
▲ 我哋簡單開啟了 X1 for mobile 圖像處理引擎，再用 Sony 最新電影 Spider Man 4 嘅 Trailer，都見到 4K 屏幕再加上 Sony 技術，畫面細緻度十分高。
002：加入 Sony α 系列相機技術，眼睛追焦連拍更準
Xperia 1 是 Sony 首部配備三鏡頭手機，與之前型號不同，26mm 主鏡鏡配有光學防手震，雖然只拍出 1200 萬像素相片，但因為感光元件尺吋夠大，拍出來嘅相片，跟同期韓國旗艦手機，質素較佳，相片偏向還原真實場景，十分討好。另外，16mm 廣角及 52mm 長焦鏡頭，令拍攝時，更有靈活。
▲ 左或上是有 Xperia 1 拍出來，右或下是某韓國旗艦拍出來。在台北的街角晚上試拍，Xperia 1 的細緻度較好，顏色與實際環境最似。
▲ 左或上是有 Xperia 1 拍出來，右或下是某韓國旗艦拍出來。拍攝食物一直是 Sony 手機強項。比較之下，Xperia 1 拍出來魯肉飯套餐，對比度高，層次亦較豐富，見到就想食。
▲ 用 Sony Xperia 1 的 16mm 廣角鏡頭拍攝的風景相，就算是夜晚，都無問題。
Xperia 1 有一樣其他手機相機做唔到嘅功能：眼睛追焦。手機會利用每秒 10格 (10 fps) 的AF/AE 追蹤及眼睛追焦連拍 ( 自動對焦和自動曝光 ) 功能進行連拍。我哋比較過，用來影走到的 ePrice 女同事，中焦機會好高，在連拍中揀出來的相，大部份都中焦，影 Cat Walk 都得。
▲ 在 Xperia 1 拍攝人物時，人物的眼睛會有一個綠框，代表手機已成功以眼睛追焦。就算圖中的 ePrice 女職員在走動，一樣追到焦。
▲ Xperia 1 有實體拍攝鍵，成功以眼睛追焦後，按壓拍照鍵，即進行連拍，最多可拍 100 張。
▲ 在連拍照中，我們找出四張連拍，看看清晰程度，發現四張都準確對焦，ePrice 女職員的面孔都好清楚呢！(左或上是原圖，右或下是裁切後的效果）
▲ 某韓國旗艦都有連拍功能。
▲ 在連拍照中，我們找出四張連拍看看清晰程度，發現某韓國旗艦在連拍走動中的 ePrice 女職員，對焦不是張張成功，部份面孔放大看很不清楚！(左或上是原圖，右或下是裁切後的效果）
003：Sony Xperia 1 效能比拼對手，打機夠爽
關於 Sony Xperia 1 的效能部份，可以用兩方面去做測試：a) 最簡單就係用跑分軟件測試一下，揀來最多人用嘅安兔兔跑分
b) 親自感受下打機表現，睇下有幾順暢。
a) 安兔兔跑分測試 CPU、GPU 效能
首先來個安兔兔跑分，Sony Xperia 1 配備了 Qualcomm S855 旗艦級處理器，內置 6GB RAM 以及 128GB ROM，得出總分為 365754 分，怎樣理解這個分數，比較一下就知。比起上代 Sony Xperia XZ2 Premium 採用 S845 處理器，分數多了十萬；而比較某韓國手機，同樣採用 S855 處理器，Xperia 1 在總分及每一個細項都好過對手，當中包括顯示打機效能嘅 GPU 部份，比起上一代 Sony 旗艦或者同代其他對手都要好，在客觀效能跑分上，Xperia 1 的確有好好嘅效能。
b) 實測打機感覺
我哋再用呢排勁 Hit 嘅「絕地求生 PUBG Mobile」 來試試用 Xperia 1 打機係咪咁順。係玩緊途中，已拍埋 Video。大家集中留意一下到底玩遊戲果陣，係咪流暢。得出結果是，一啲窒機嘅感覺都無，好 smooth 好順暢，如果平時打開機嘅話，應該都會覺得好爽！
▲ 特別要注意嘅係，Sony Xperia 1 內置遊戲增強器，支援遊玩時實況錄影，同時亦可以停止顯示不希望收取嘅通知。
▲ 即睇我用 Xperia 1 打「食雞」嗰陣時嘅情況
▲ 另外，多得 Sony Xperia 1 具有 21:9 屏幕，玩起食雞時比起某 16:9 的電競手機，視覺更廣，更容易看到左右兩邊的敵人。
004：用一日，無問題！Sony Xperia 1 夠慳電
Sony Xperia 1 雖然只有 3330mAh 電池，但因為 Xperia 1 用了 S855 處理器，呢粒處理器用上 7nm 制程，比起 S845 做到更加慳電。我用了 ePrice.HK 版主常用嘅 Geekbench Battery test 作電量跑分，Xperia 1 分數，比起上一代 XZ2 Premium 要高幾百分，代表使用 Xperia 1 在相同使用習慣下，續航力會比 XZ2 Premium 都要好。若果 XZ2 Premium 用上一整天都沒問題，更加難唔到 Xperia 1。
我哋同時揾了一段 4K 的短片，係充滿電嘅 Xperia 1 連續播放半小時，手機只花了 7%，計算起上來，你可以用 Xperia 1 連續播放 428 分鐘，即約 7 小時。呢個結果，大家應該滿意吧。
▲ 以 WiFi 連接，在 YouTube 串流 4K 示範影片。
▲ 播放半小時後，具備 3330mAh 電的 Sony Xperia 1 電量為 93%，照計算，可以播放 7 小時 。記住是 4K 影片，好誇張架。
005: Dolby Atmos 加強影音效果
講完上述嘅重點測試，咁其實 Sony Xperia 1 作為一部娛樂手機，除咗 21：9 芒可以令到睇戲體驗更佳之外，同時佢支持 Dolby Atmos 音效技術，針對影院設計，透過全方位音效營造更逼真動人的效果，令聲音環繞你的上方同埋四周，畀人一種親歷其境嘅感覺。即刻睇片感受下啦：
▲ 以上播放嘅係 Spider Man 4 嘅 Trailer，你可以感受到佢個 Dolby Atmos 有幾立體，有幾逼真。
小結：好屈機
Sony Xperia 1 在屏幕與相機都有 Sony 自家科技加持，如 CinemaWide 顯示與眼睛追焦都是其他手機做不到，而效果亦十分好。效能上，與其他 S855 處理器手機都是上乘之作。屈機呢個字，十分適合形容它。資料由 Sony 提供
