Work from Home 的生活無疑會令家人的關係變得緊密，不過見得多可能就會因為少事而磨擦，如爭機打爭電視睇等等，最近 Philips 推出左一部唔過 HK$2,000 嘅平板電腦 M9s，平平地入番部 4G 平板，無論係屋企，或者將來出街用，都一樣幫到手。
裝卡唔洗工具
10.1 吋 FHD 屏幕平板 Philips M9s，屏幕為 16:10，主要是橫向使用。機身前後都設有 500 萬像素相機，亦都方便到大家用來視像會議。機身只有 8mm 厚度，亦算十分纖薄，而且機底仲有雙喇叭設計。機身最特別之處，在 USB C 充電位的黑色蓋，是可以直接打開，安裝 nano SIM 及 Micro SD 卡。由於包裝內沒有跟火牛，所以代理會另外提供火牛比大家充電。
Philips M9s 屏幕為 10.1 吋
前 500 萬像素視像鏡頭
採用金屬機身
機背都有 500 萬像素鏡頭
設 3.5mm 插頭
以 USB C 充電
充電位的黑色蓋，是可以直接打開，安裝 nano SIM 及 Micro SD 卡
機底仲有雙喇叭設計
代理會另外提供火牛比大家充電
支援 Google Play，5000 mAh 電量
定價唔貴嘅 Philips M9s，規格採用 MTK 八核 CPU、5000 mAh 電量，設有 3GB/32GB 及 4GB/64GB 版本，兩個版本都支援 4G 網絡連接，WiFi 都用到 5Ghz 頻段，上網速度同一般平板差不多。最最最重要是可以用到 Google Play，可以用到 Android 平板版本的 Apps。
WiFi 都用到 5Ghz 頻段，上網速度同一般平板差不多
可以用到 Google Play
可以用到 Android 平板版本的 Apps
屏幕質素唔差，雙喇叭聲音響亮
接近原生 Android 9 系統 (平板版本) 操作的 Philips M9s，主頁面可以垂直或橫向屏幕操作，瀏覽器像電腦般，可同時啟動多個頁面。當使用快速設定時，頁面出現的地方，會根據你手指向下滑動的位置，操作時會更加直覺。Philips M9s 屏幕有成 10.1 吋，通常用家都主要用黎睇片，試播放 YouTube (FHD) 及愛奇藝 (HD) 影片，效果都唔差，起碼色彩表達上十分自然，影像又唔會起格，睇得都幾舒服。而且雙喇叭聲音非常響亮，這部份令人有更大驚喜。
運行 Android 9 系統
主頁面可以垂直使用
橫向屏幕操作都可以
瀏覽器像電腦般，可同時啟動多個頁面
會根據你手指向下滑動的位置，出現快速設定頁面
屏幕色彩表達上十分自然
愛奇藝 (HD) 影片亦無起格，睇得都幾舒服
內建快霸功能，支援 FM 收音機
深入玩部機先知，原來 Philips M9s 設定入面，有個叫快霸功能，將 Apps 加入後，Apps 就會長期在後台運行而不會關閉，令啟動 Apps 更快速。另外部機仲有平板電腦中，比較少有嘅 FM 收音機功能，當連接 3.5mm 耳機後就可以用到，亦可以選擇用耳機或許直接用雙喇叭播放。
Philips M9s 設定入面，有個叫快霸功能
部機仲有平板電腦中，比較少有嘅 FM 收音機功能
可以選擇用耳機或許直接用雙喇叭播放
Philips M9s 3GB/32GB 售價：HK$1,699
Philips M9s 4GB/64GB 售價：HK$1,899
購買點：Across.Shopping / Anlander