▲ (左) Lenovo 樂檬 A6000 vs (右) 小米紅米 2
外型比拼
先介紹一下 Lenovo 樂檬 A6000。聯想樂檬系列在中國大陸十分爆紅，佢擺明跟小米低檔機一樣，大玩性價之外，更用鮮豔嘅機身顏色去吸引玩家。見得最多，當然係檸檬黃！香港推嘅 Lenovo A6000，就係樂檬 K3 嘅國際版本，裡面嘅規格與功能大同少異，最重要係將國際版本，將樂檬嘅 Fresh 感覺保留起來。至於紅米 2，就係紅米手機嘅二代啦。記得把小米品牌係香港推至爆紅，就係紅米手機一代。不過，之後越來越多高規價平嘅手機上市，紅米２代說說實已經無咁獨特。說實話，Lenovo 樂檬 A6000 與紅米 2 係入門機嘅 Level，造工與手感相當唔錯。今次我們借機檸檬黃 Lenovo A6000 與白色嘅紅米 2，由於兩部機都用左全貼合屏幕技術，機面屏幕黑色是一黑到底。而機背對比色彩都係申延至機側。機蓋實在好握，可見中國大陸出品嘅手機，造工的提升比部份大廠低價機更好。在外型及手感上，要我二揀一，我會揀 Lenovo 樂檬 A6000，原因它有 5 吋屏幕，而紅米 2 只有 4.7 吋，身型大少少嘅 A6000，居然比紅米２輕身。這個感覺，不單係數字上，係體感上都 Feel 到。係外型部份，Lenovo 樂檬 A6000 小勝。
▲ Lenovo 樂檬 A6000 與紅米 2 都係一出已係一千蚊樓下嘅 4G LTE 手機。係香港，樂檬 A6000 香港版，主打呢隻咁 Sharp 嘅檸檬黃色，遲下五月底會有白色版本。至於紅米2，香港行貨只有黑與相片中嘅白色。所以你要搵部好 Fresh 嘅入門 4G LTE 手機，Lenovo 樂檬 A6000 比較適合了。
▲ Lenovo 樂檬 A6000 (左) 有 5 吋 IPS 屏幕、紅米 2 (右) 有 4.7 吋 IPS 屏幕，所以 A6000 會大少少，但實際 A6000 輕過紅米 2 六克架。
▲ 兩款手機雖然都係用塑膠物料，但 Lenovo 樂檬 A6000 做得比較有心機，它有金屬防滾架加上防污 SABIC 殼與 3 次 PU 噴漆工藝，有機會上手摸摸就知道有幾好手感。
▲ Lenovo 樂檬 A6000 嘅防污 SABIC 殼就算你係上面劃了鉛筆痕，亦可以好方便地清理。
相機比拼
兩部入門 4G LTE 手機，都係用上 800 萬像素後置鏡頭及200 萬素像素前置鏡頭。Lenovo 樂檬 A6000 寫明用上 Sony 新一代 CMOS 感光元件，有 F2.2 大光圈、28mm 大廣角鏡頭。而紅米 2 採用 Omnivision 感光元件，同時擁有 F2.2 大光圈、28mm 大廣角鏡頭。兩部機採用鏡頭嘅牌子不一樣，效果又如何呢？我地用兩部手機係同一地點影了一批試相，Lenovo 樂檬 A6000 的成像能拍下比較真實嘅顏色。由於用上 Sony CMOS，夜攝效果亦比較出色。紅米 2 相片比較容易有過曝現像，夜間的相片都比 Lenovo 差。以下有一系列試相，可成為大家嘅參考。
▲ 細心留意一下，小米鏡頭是凸起 vs 樂檬 A6000 是平面鏡頭，感覺好一點。
Lenovo 樂檬 A6000 採用 Sony 出品嘅 CMOS 感光元件，係千元樓下嘅手機裡，好少採用。Sony 出品嘅鏡手機專用鏡頭，出名能拍出細緻嘅照片，其中拍攝食物，水準跟旗艦手機不相伯仲。以下是幾個例子，可見把相片放大，Detail 位十分出色。
▲ 原相
▲ 放大後，可見景深的分別。
▲ 原相
▲ 放大後，連上面的貓毛也睇得到。
▲ 原相
▲ 放大後，米飯一粒粒好細緻。
▲ 左面相片是由 Lenovo 樂檬 A6000 拍攝，右面是紅米 2。Lenovo 樂檬 A6000 拍攝效果比較優。
屏幕比拼
▲ 來個屏幕比拼，Lenovo 樂檬 A6000 (左) 用 5 吋屏幕、紅米 2 (右) 有 4.7 屏幕，大家都係 IPS 材質。雖然材質一樣，但實際效果不一樣。A6000 是偏暖色，令相片中的女生，比較有活力。而紅米 2 屏幕偏冷調，令 Model 有點面青。二選一，Lenovo 屏幕比較優。
▲ 兩款手機都用上 IPS 屏幕，側視效果也算不錯 (左: 紅米２: 右A6000 )
效能比拼
有點難分難解，因為 Lenovo 樂檬 A6000 與紅米 2 係硬件規格幾乎一樣，都係用上 Qualcomm Snapdragon S410 四核心處理器，不過 A6000 是 1.4GHz 但紅米 2 是 1.2GHz。兩部機都係內置 8GB ROM 及 1GB RAM。兩部機都支援 MicroSD 記憶卡及可以換電。不過，以電池容量計，A6000 用 2300mAH 而紅米２是 2200mAh。由此可見，Lenovo 樂檬 A6000 又小勝一次!
▲ Lenovo 樂檬 A6000 係 Antutu、 Quadrant Standard與 Vellamo 嘅得分。雖然說是入門手機，但 Android 手機到了今時今日，入門機效能已等於三年前嘅旗艦。老實說，普通使用順暢感覺可能好過你家中嘅入門級電腦。
▲ 紅米 2 係 Quadrant Standard、Antutu 與 Vellamo 嘅得分。跟上圖比較，可能因為 CPU 速度 Lenovo 樂檬 A6000 比較高，所以雖然兩機規格好似， Lenovo 樂檬 A6000 係幾個跑分軟件裡面，都係有比紅米 2 更好的成績。
▲ 4G LTE 部份，大家亦要注意。 香港版 Lenovo 樂檬 A6000 支援比香港版紅米２好。兩部手機都支援香港主流嘅 FDD-LTE Band 3 (1800)、Band 7(2600)，但 A6000 更支援 TD-LTE Band 40 (2300) ，係大陸嘅室內位置，都用到中國移動嘅 4G LTE 網。而 Band 1 (2100) 及 Band 20 (800) 頻段，就係日本與南韓嘅 4G LTE 頻段，用家係香港、大陸及日韓都用到 4G 上網。紅米 2 就做不到了。不過咁，兩款手機都係 4G / 3G / 2G + 2G 雙卡雙待，不用轉換 SIM 也可以切換 4G SIM 卡頻段。
▲ Lenovo 樂檬 A6000 跟機有 2300 mAh 略大於紅米 2。可以更換更是一個優點來。
音效比拼
▲ 最後試試音質，Lenovo 樂檬 A6000 雖然唔駛一千蚊，但居然有接近六千蚊 HTC One M9 先有嘅 Dolby 音效。若果與紅米 2 內置嘅「米音」效果比較，A6000 嘅係耳機聽歌效果，有很重環迴立體感，不差過 HTC 手機，私人覺得比紅米２更好呢。而 Lenovo 樂檬 A6000 機背有雙揚聲器，較紅米的機背揚聲器，能輸出更立體嘅音效。
▲Lenovo 樂檬 A6000 嘅 Vibe UI
▲ 紅米 2 嘅 MIUI。與 紅米 2 都係跟回中國大陸出品嘅手機介面，沒有 Android 嘅 App Drawer，要點時間去適應。而 Lenovo Vibe UI 與小紅嘅 MIUI，用法相約。不過，都有 Android 嘅 Folder、通知欄設定，用上手絕對唔難。
總結：Lenovo 樂檬 A6000 質素較好
玩了兩部一千蚊樓下嘅 4G LTE 手機，真心覺得千元樓下手機，入門只是用來形容價錢。兩款手機運作雖然不及旗艦型號快速，但已唔係以前入門手機嘅窒窒下，會死機個隻，絕對可以用「順暢」來形容。兩款手機手感更是不錯。 Lenovo 樂檬 A6000 賣價 $999，而紅米 2 為 $899，雖然 Lenovo 樂檬 A6000 貴一百，但我也覺值得。Lenovo 樂檬 A6000 相機方面有 Sony 感光元件加持，無論日常影得最多嘅食物分享相，或是夜景也比較優。樂檬 A6000 的杜比音效，更是千元以下手機，難得一見，令手機音質都十分好。若果要買部入門級4G LTE 手機，Lenovo 樂檬 A6000 會比較值。| Lenovo 樂檬 A6000 | 小米紅米 2 | |
| 相機 | WIN | LOSE |
| 音效 | WIN | LOSE |
| 屏幕 | WIN | LOSE |
| 外型 | 平手 | 平手 |
| 跑分 | 平手 | 平手 |
Lenovo 亦跟不少網絡商合作，推出優惠上台計劃，大家可以參考一下。CMHK、Sun Mobile
資料由客戶提供
