Lenovo 新機大樂檬 A7000 發佈！樂檬 A6000 升級版賣 $1299 你點睇？
到最後， Lenovo 都係出返係海外市場正在發售緊的 A7000 而非在大陸推出的 K3 Note ，而在香港發售的正式名稱就係「大樂檬 A7000 」 。如果要簡單咁概括呢部新機，版主會形容為樂檬 A6000 的大芒升級版（所以先叫大樂檬
）。 大樂檬 A7000 除左係屏幕上用上 5.5 吋 720p IPS 屏幕之外，係處理器上也用上 MTK MT6752m 1.5GHz 八核配 2GB RAM ，表現理論上會較樂檬 A6000 有所提升。不過內存容量亦只係得 8GB （支援最大 32GB MicroSD 卡）。而相機方面，同樂檬 A6000 相比，大樂檬 A7000 一樣係得 800 萬像素主鏡頭，不過前鏡就提升至 500 萬像素。如果講到賣點的話，相信大樂檬 A7000 主要賣點有三個，支援 4G 雙卡雙待、 2900mAh 電量兼可換電池同埋號稱全球首部支援 Dolby Atoms 音效的手機。而係開賣日期方面 Lenovo 就公佈大樂檬 A7000 發售日將會係 6 月 5日，而價錢就係 $1299 ，唔知大家又覺得值唔值得入手玩下呢？
如果以大芒入門機來講，版主第一時間依然係諗起魅族的魅藍 note （m1 note）， Asus 的 Zenfone 2 720p 版本同埋小米 4i 雖然只係得 5 吋屏以性價比來講也是不錯的選擇。以下就係大樂檬 A7000 同其他價錢規格相近的手機比拼，大家睇完後不妨留言講講意見啊！
▲ Click 入去可以看到詳細規格。
在文章發佈前， Lenovo 樂檬 A7000 將在 6 月 5 日推出，定價 $1299 ，按此留意詳細規格及最新賣價。
