6.8 吋 Full HD 大屏幕
其實呢部機，早前 ePrice 嘅 YK 仔已經透露過，會係 Lenovo Phab Plus。呢部機係中國大陸已經上市，而係剛剬嘅德國 IFA 消費電子展 2015，亦公佈了香港會推出嘅國際版本。好消息係，今次 Phab Plus 唔似得 Lenovo 早前推出嘅大樂檬手機，功能規格都被改過，應該跟中國大陸版本一樣規格。 Lenovo Phab Plus 配備 6.8 吋高清大屏幕，從尺吋上看來，已介乎喺手機與可通話平板之間。你可能會問: 咁大個 MON，咁到底應該當佢係手機，還是平板呢? 版主認為呢，佢可以有手機的功能，同樣又具備平板嘅享受。不過呢，部機咁大，個人認為拎出拎入始終會有點唔方便。
Lenovo Phab Plus 用了 1300 萬像素主鏡頭以及 500 萬像素前置鏡頭，具備閃光燈及自動對焦功能。另外，Phab Plus 配備了光學感應器、防震功能，令你可以無論係明亮還是陰暗的環境，都可以影到清晰嘅相片。
Lenovo Phab Plus 國際版採用了 Qualcomm Snapdragon 615 (MSM8939) 八核心處理器，配備 2GB RAM 及 32 GB ROM (可支援 64 GB MicroSD 咭)， 並具有 3500 mAh 大電池，配合內置的省電系統，官方表示其通話時間可長達 24 小時。
Lenovo Phab Plus 國際版由於係 IFA 展場發表，不少外國媒體都有 Hands On。ePrice 網友們，可以提早知道 Phab Plus 外型與大細，會否合乎大家嘅心意，OK 以下就係真機圖賞！
▲ 6.8 吋大屏幕，手細少少都覺得難拎。留意今次 Lenovo 採用嘅 UI，是有 App Drawer，無將大陸個套，夾硬套係國際版上，抵讚。
▲ 背面寫上 Lenovo，仿 iPhone 設計。
▲ 從機側睇起上來，又真係似似地 iPhone 6。
▲ 跟 iPhone 6 (左，4.7 吋芒) 比較，就知 Phab Plus 嘅 6.8 吋芒係好大部架。
▲ 今次 Lenovo 少有地唔用大陸感覺嘅 UI，係 Androd 5.0 下，見番 App Drawer，使用上會 Feel so good 吧。
▲ 有千三萬像素鏡後置鏡頭，也有補光燈。
▲ Full HD 屏幕。
▲ 跟 Sony Xperia C5 Ultra 一樣，支援單手操控模式，當中亦可以調控屏幕顯示嘅大細及位置。
▲ 呢部 Lenovo Phab Plus 國際版，官方新聞稿說會賣大約 US$300，大約港幣二千三左右，香港會係 9 月 11 日上市，賣 HK$2488。香港版只支援中港 4G LTE Band 38、40，不支援 3G TD-SCDMA。
仲有一部平價版
Lenovo 官方表示，呢個 Phab 系列仲會推出一個入門版，得 1GB RAM，外型比起 Phab Plus 厚 1.3 mm。不過呢部入門版比起 Phab Plus 黎講，個 MON 大左，有 6.98 吋，同樣有八核心處理器，仲有就係電池容量大左，有 4250mAh。呢款入門版將會推出黑、白、藍、紅四種顏色，售價方面就有待公佈，但版主相信，明天係香港推出埋呢部機會比較低。
▲ 入門版更有四種顏色，任君選擇。
版主我一向都中意用啲大 MON 嘅手機，對呢兩部機都有興趣，但 Lenovo Phab Plus 同入門版都各有優勝之處，搞到我都唔知點選擇好，不如你哋話我知你哋會點揀丫! 或者如果你哋有其他選擇，不妨留言提出!
相片來源：CNET | Android Central
Lenovo Phab Plus 係文章刊登時，賣 HK$2488，按這裹有詳細規格及最新賣價。
