鬥外型 : 樂檬 Note 黃色好搶眼
Lenovo 樂檬 Note 與 ASUS Zenfone Selfie 兩款機都係用上 5.5 吋屏幕，照計大細都係差唔多。但無論睇規格，定係真機上手，樂檬 Note 都係比較細部與薄身！其中重量上，樂檬 Note 比起對手輕足 30 克，而厚度亦薄足 2mm。大家都愛大芒手機，而 5.5 吋都係主流，當然越輕身越薄越好啦。
▲ 講顏色配搭樂檬 Note 有白色與黃色兩款選擇，其中黃色是樂檬系列最得民心一款。Zenfone Selfie 顏色選擇達五款咁多，圖中的粉藍，聽說迷到不少女生，但你問我，我會嫌重量與身量太大份。
▲ 同樣用 5.5 吋屏幕，但 Lenovo 樂檬 Note (左) 比較細部。
▲ Lenovo 樂檬 Note (下) 也薄身一些。
鬥效能 : 樂檬 Note 出奇制勝
ASUS Zenfone Selfie 採用 Qualcomm Snapdragon 615 八核心處理器，再配 3GB RAM 及 32GB ROM；Lenovo 樂檬 Note 採用 MediaTek MT6752 八核心 1.7 GHz 處理器，配合 2GB RAM 及 16GB ROM，單看規格，好似 Zenfone Selfie 效能比較好，但實際唔係。我地用幾個跑分軟件測試過，Lenovo 樂檬 Note 全部 Win。特別一提 Geekbench 3 Battery Test。近來有不少討論電池容量與耗電的關係，樂檬 Note 採用 2900mAh 電池，Zenfone Selfie 用 3000mAh。但測試軟件告知，樂檬 Note 比 Zenfone Selfie 省電！所以，電量操控唔一定只要睇數字，都要睇廠商對系統嘅優化，係呢方面 Lenovo 做得唔錯。
▲ 上面是 Lenovo 樂檬 Note，下面是 Zenfone Selfie 係 AnTuTu 6.0 (手機效能)、Vellamo Chrome (瀏覽器上網) 與 Geekbench 3 電池測試嘅分數。我地都見到樂檬 Note 都係比較高。特別留意電量測試，Zenfone Selfie 時間比較短，代表雖然用 3000mAh 電，但成個系統係比較耗電！而 Lenovo 樂檬 Note 七小時嘅使用時間，其實係代表CPU 負載約 80% 下，不停運作由 100% - 1% 電量嘅時間，七小時大約等於日常生活裡面，可以用到 14 小時左右。
▲ Basemark ES 2.0 代表玩 3D 遊戲嘅效能，Lenovo 樂檬 Note 取得 40.17fps，而 Zenfone Selfie 只有 34.65fps (滿分為 60fps)。樂檬 Note 係玩 3D 遊戲部份，跑分比合格還好好多，也比 Zenfone Selfie 優。
▲ Lenovo 樂檬 Note 支援更換電池，亦可以插入最高 128GB microSD 記憶卡
鬥屏幕 : 格調不同
Lenovo 樂檬 Note 與 ASUS Zenfone Selfie 都採用 5.5 吋 IPS 屏幕。我地用同一樣相片在呢兩部機比較過樂檬 Note 能出到比較層次分別及對比度調高嘅效果，而 Zenfone Selfie 出來顏色比較淡。不過，係顯著純白色方面，Zenfone Selfie 偏暖、Lenovo 樂檬 Note 偏冷。邊個芒比較好，好難比較，但肯定係兩個芒都有不錯嘅可視角度。
▲ 樂檬 Note (左) vs Zenfone Selfie (右)
▲ 樂檬Note (左) vs Zenfone Selfie (右)
鬥相機 : 打成平手
Lenovo 樂檬 Note 與 ASUS Zenfone Selfie 都採用千三萬像素相機，也有雙補光燈。實際拍攝效果不相伯仲，大家可以睇幾張示範相片。Zenfone Selfie 有千三萬像素相機，前置也有補光燈，Lenovo 樂檬 Note 前置相機只有五百萬像素，無補光燈。Zenfone Selfie 有前置燈拍攝會比較光。但若果不開著嘅話，實拍效果，跟樂檬 Note 拍出來的做比較，也是難分高下。
▲ 樂檬 Note 與 Zenfone Selfie 也採用千三萬像素後置鏡頭，並採用雙色溫 LED 補光燈。
以下是樂檬 Note (左) 與 Zenfone Selfie (右) 拍攝效果。無論日拍與夜攝樂檬 Note 拍出來嘅光度也比 Zenfone Zelfie 好。Zenfone Selfie 拍出來嘅照片，色温跟佢個芒一樣，係偏暖，感覺好像比較 Warm。夜攝部份，效果亦不相伯仲。
以下是前置鏡頭拍出來嘅照片，樂檬 Note (左) 與 Zenfone Selfie (右) 拍攝效果。Zenfone Selfie 開了補光燈，難得小貓沒有被嚇走。但沒有補光燈嘅樂檬 Note 前置鏡頭一樣影得小貓很可愛。
鬥音效 : Lenovo 樂檬 Note Dolby Atoms 加持
Lenovo 樂檬 Note 也是少數手機加入了 Dolby 音效。今次更是最先進嘅 Dolby Atoms 全景聲，代表用家可以手機耳筒，聽得更似戲院嘅音效。事實上，用係 Lenovo 樂檬 Note 嘅 Dolby Atoms 有不少可讓用家調節音效嘅地方，而 Zenfone Selfie 就沒有了。
小結 : Lenovo 樂檬 Note 抵玩之選
經過小小比拼 Lenovo 樂檬 Note 對比較貴嘅 Zenfone Selfie，在效能部份有比較優異嘅成續，而機身重量、厚度亦勝對手。Zenfone Selfie 賣得比較貴，貴在那個前置鏡頭都用上千三萬像素。而樂檬 Note 也在聲效部份有獨特嘅功能。這樣比較，Lenovo 樂檬 Note 性價比，的確比較高。 Lenovo 樂檬系列同期推出樂檬 2 價錢更平，但改了 5 吋及 720p 屏幕。若覺得樂檬 Note 5.5 吋芒太大，樂檬 2 也是不錯。
▲ Lenovo 樂檬 Note (左) 與 Lenovo 樂檬 2 (右) 設計相約。
在文章刊登時，Lenovo 樂檬 Note 賣價為 $1399。按這裡有更詳細規格及最新賣價。
在文章刊登時，Lenovo 樂檬 2賣價為 $1199。按這裡有更詳細規格及最新賣價。
資料由客戶提供
