魅族 MX 4 Pro 抵港價破 $4,000！等多兩個星期 平兩成？

Eddie 2014-12-13 11:43 | Meizu

都有唔少網友問版主魅族 MX4 Pro 幾時會登陸香港，其實這部手機在大陸開賣了，香港亦都不會太遲出。現時已經有細鋪引入大陸的魅族 MX 4 Pro 賣緊 $4,198 ，足足比起大陸的賣價貴 20％ 。版主其實都收到風，魅族 MX4 Pro 有機會在年底前登陸香港，價錢不會貴過大陸定價好多，似乎有值得一等既價值啵！

魅族 MX4 Pro 水貨抵港賣 $4,100！行貨傳月底到港平兩成！

雖然大家都知道在聖誕節之前魅族還會有驚喜比到大家，不過講起魅族 MX4 Pro 其實性價比都已經好高，佢採用 5.5 吋的 2560 x 1536 解像度屏幕 (546 PPI) 、 Samsung Exynos 5430 雙四核心配 3GB RAM，相機方面是 2070 萬像素主鏡頭和 500 萬像素前鏡頭的組合，分別支援 4K 錄影和 1080p 錄影，電池量是 3350 mAh ，而它亦支援五模多頻，在大陸亦可以用到中國移動的 3G 與 4G ，可惜就是不能插卡亦不能換電。這部手機已經有水貨到港， 16GB 賣大約 $3,580 ； 32GB 炒價 $4,180 ，而暫時未見有 64GB 機抵港，這個價錢比起官方定價高上不少啊！

覺得太貴？版主亦收到風，魅族 MX4 Pro 最快可以在年底之前到港，令版主想起幾年前 1 月 1 號開賣的魅族 MX，傳聞價錢方面比大陸貴 $100 左右，也就是 16GB 約 $3,250 ； 32GB 約 $3,450 ，同樣未知有沒有 64GB 會賣，想入手魅族 MX4 Pro 既網友可以再等等啊！


▲講到魅族 MX 4 Pro ，真係要提提佢係五模多頻機，音響效果方面亦很不錯，可惜就係唔可以外置插卡


▲現在魅族 MX4 已經沒有缺貨的情況，大家都可以在衛訊門市買到了，不過有幾多網友仲係等 MX4 Pro ？

在文章發佈的時侯，魅族 MX4 Pro 仍未公佈在香港的定價，按此看詳細規格與最新賣價。