平價千元新機魅藍 note 2 ！港版將定名為 m2 note ，用盡中港 3G / 4G
對於不少朋友（特別是常往返大陸）來講，手機有齊中港 3G /4G 是頗重要的一環。以往魅藍 note 規格雖好但衰在沒有香港 FDD LTE 的 2600 頻段，頓時成為「傷殘 4G 」，呢點的確令不少有意入手的朋友卻步。新出的 m2 note 其中一項升級重點就係頻段支援上，版主就詢問過來到香港推出的 m2 note 會否有中港 4G 呢？答案是有的，而且 FDD 2600 頻段也肯定會有返。而網站亦寫明會有 TD-SCDMA 與 WCDMA，連 3G 都無問題。用到平價中港 4G 機做賣點，又平過小米 4i，不知大家又覺得 m2 note 能否對小米 4i 構壓力呢？
▲ 版主今次試嘅係將會在港推出的版本，包裝盒上亦由魅藍 note 2 改為 m2 note 。
▲ 既然會在香港推出，充電器當然都有三腳頭啦！另外盒內有 USB 線同 Sim 卡針，但沒有耳機。
▲ 正面來講，新的 Home 鍵確係搶眼！
▲ 如果睇機背，白色版的 m2 note 同上一代相比係外觀上真係相當近似，版主都要開機按鍵先認到。
▲ 今次的 Sim 卡槽同時係同 SD 卡共用的，所以用家都會面對有 SD 卡就冇雙 Sim 卡呢個問題。
▲ 係香港推出， Play Store 當然會預載，但係 Flyme 音樂同樣變左香港版。（即係無左免費下載歌曲）
改用支援全網通 MT6753 處理器！跑分表現又係點？
另一個 m2 note 升級了的地方就係有「真 64 bit 」的支援，上一代的魅藍 note 雖然號稱「中國首款 64 bit 八核千元機」但在 OS 上，魅藍 note 只有 32bit 的 Flyme OS 。而來到 m2 note 呢，在軟體上除左搭載 Android 5.1 之外， Flyme OS 也提升到 64bit 。但有一樣大家要留意，就係 m2 note 一如之前的消息所指係用左 MTK 的MT6753 ，新的處理器好處是支援全網通，但係在效能上可能不及上一代魅藍 note 所用的 MT6752 好，到底是新一代的 m2 note 效能如何呢？而家首先用跑分來比大家大約了解先，稍後時間會再深入少少試玩。
▲ 如果同版主 Eddie 為港行 m1 note 所做的跑分相比，可以見到 m2 note 係安兔兔成績上係不如上代的，只有 31722 分，同在會場跑分時分數一樣。（ m1 note 有約四萬分）而係 Quadrant Standard 上 m2 note 有 15807 分，呢方面分數同 m1 note 相近。
▲ 來到 Vellamo 上面，m2 note 的表現大概算係中規中矩，係硬件（金屬）分數上有 1032 分，同 m1 note差不多，而係多核上都有 1496 分。不過係瀏覽器方面只有千五分左右的表現就比較遜色了。
▲ 來到 Basemark 2.0 上， m2 note 也只有 25.29 FPS ，同 m1 note 的 39.55 FPS 相比也是比較弱，唯有希望遊戲上的體驗不會受到影響啦！
版主小結：性價比之高暫時難有機能相比！效能略有減退但換來更面 4G 你點揀？
以相當短的試用時間來講，如果問版主相比起上一代的魅藍 note ，今次推出的 m2 note 有甚麼重大改進呢？版主就覺得除左係 4G 援頻段多，加入了 SD 卡的支援也是重點，以往魅藍 note 只有 16GB 同 32GB 兩個選擇，係不支援 SD 卡的情況下大家可以話係「焗住揀」 32GB 版本，但加入左 SD 卡支援大家就可以用更便宜的價錢入手新機啦！另外，其實在設計上（ Home 鍵） m2 note 以使用體驗來講同魅藍 note 也是有所不同，呢方面同埋相機等重點版主將會係稍後時間再同大家更深入咁做兩代對比。至於係賣價方面，香港雖然肯定會上市但係暫時魅族都仍未訂好價格，會按市場反應而定，如果 m2 note 16GB 版本真係做到一千蚊港紙唔使的話不知大家又會否心動呢？一齊講講意見啦。在文章發佈的時侯， 魅族 m2 Note 仍未公佈香港定價與開賣日期，按此看詳細規格與最新賣價。
更多有關魅族 m2 note 的文章：
唔駛一千中港 4G! 魅族 M2 Note 搶先上手 + 跑分實測挑機小米 4i！ 魅族 m2 note 賣價唔過千，搶唔搶得過？
