通用版魅藍 note 2 到港！ 16GB 版本 $1370 你點睇？
同以往版主介紹的大陸水機不同，今次來到香港的魅藍 note 2 （在香港開賣時會改稱 m2 note ，因為今次介紹的是大陸版本，所以暫叫魅藍 note 2 ）又稱為通用版，可以用齊 4G FDD-LTE 及 TD-LTE 及 3G WCDMA 及 TD-SCDMA 。而係內置容量方面就係 16GB 。係規格方面，版主係之前的開箱中已經提到， 5.5 吋 1920 x 1280 解像度屏幕，處理器上就改為 MT6753 八核處理器。相機仍然有 1300 萬像素主鏡頭，另外預載 Android 5.1 。係價錢方面，本身 16GB 版本的魅藍 note 2 大陸定價只係 799 人仔，點解來到香港要成 $1370 呢？版主問過店家後就得知，雖然部機定價只係 799 人仔，但來貨價被炒貴左兩百蚊，想平賣都做不到。其實不少大陸手機一開賣時「第一水」好多時都會被炒賣，好似之前版主分享過的小米 Note 頂配版曾經一度衝上 $4600 港幣，但而家四千唔使都可以入到手。
▲ 店家所入的魅藍 note 2 係灰色版本，係上一代沒有的顏色。香港版會叫 m2 Note，一睇你就知係港行定水貨。圖中的就係水貨啦。
行貨有得訂，驚見 16GB 定價
至於香港行貨幾時推出上市？相信都快，有手機連鎖站已貼出優先預訂的通告，係門市裡面，呢張通告仲有埋價錢，16GB ROM 版本賣 HK$1199，呢個價錢，比起第一代仲要平! 由呢間連鎖店嘅推廣見到，M2 Note 會真正打通中港 4G ，支援 FDD-LTE 1800 / 2600，亦包括 TD-LTE Band 38, 40, 39, 41 四大頻段、國內 3G TD-SCDMA，勢要創中港 3G / 4G 手機最低價。貨已可以訂，七月初開賣無難度了。
▲ 魅族 m2 note 已有手機連鎖店有預訂，門市更標出售價 $1199。
在文章發佈的時侯，魅族 m2 note (16GB) 賣價為 HK$1199，按此看詳細規格與最新賣價。
