魅藍系列新一代！ m2 note 7 月 11 開賣
首先即時同大家分享左有關魅藍 note 2 的開賣資訊先！係賣價方面之前都同大家講過， 16GB 版本的 m2 note 定價係 $1199 ，售價最終唔過千無疑係有點可惜，另外呢部機係大陸發佈時係有 32GB 版本的，但係今次公佈的資料當中魅族就未有提到會引到 32GB m2 note 。係顏色方面，上次 m1 note 只有白色同綠色可選，今次 m2 note 一樣係只有兩隻色，但好消息就係質感不同的灰色版將會連同白色版一同推出。最後係開賣日期方面，魅族宣佈發售日期將會係 7 月 11 日，係魅族香港專門店、衛訊 Wilson、HKT及csl 專門店都可以買到。支援中港 4G 雙卡！對決華為 Honor 4X 、小米 4i 、大樂檬同 Zenfone 2 你點揀？
分享完開賣資訊後，我哋不妨將 m2 note 同埋其他主打高性價比的雙卡手機來個比一比！ m2 note 的規格相信版主都不用再多講，主要賣點都係 5.5 吋 1920 x 1280 解像度屏幕而且支援 SD 卡同埋中港 4G 。以香港開賣的行貨機來計，即使未出現大家期待的千元有找價位，但在性價比上同其他機相比都仍有一定優勢，如果同其他牌子好像係競敵小米的 4i 、人氣一直高企的 Zenfone 2 、 Lenovo 近來頗受注目的大樂檬同埋吸引到不少人注意的華為 Honor 4X 相比，大家又覺得邊部更吸引呢？一齊來講講吧！
▲ 一 Click 就可以睇到規格比拼！
在文章發佈的時侯，魅族 m2 note (16GB) 將於 7 月 11 日開賣，定價為 HK$1199，按此看詳細規格與最新賣價。
