▲ 16GB 版本嘅 MX4 開賣價人民幣 $1799，約 HK$2300 左右。以採用 Helio X10 CPU 嘅手機來講，算係平價。
每次睇中國大陸手機，都被手機廠高層在台上的指指點點，覺得新版本升級左好多，好左好多。當冷靜下來，再看看官網，今次 Meizu 更有齊比較表，看看 MX4 與 MX5 其實發覺進步唔算好多。Meizu MX5 最顯著是採用了金螶機身。根據版主 Lawrence 現場的憶述，MX5 比起 MX4 採用的金屬機身比例更加多，MX4 只有機框是金屬，其他部份，包括機背蓋也是塑膠物料，而 MX5 比較多金屬成份，包括機背及中間部份。MX5 外型設計最強之處是夠薄身，只有 7mm 多少少。但重量其實跟上一代 MX4 與 M2 Note 相約，147 克。
其他部份，叫做升少少咁囉！屏幕依然也是 5.5 吋 Full HD 解像度，今次真係 Full HD，再唔係 MX4 年代，採用舊款 iPhone 嘅怪比例。不過，今次材質改用了 Super AMOLED 屏幕，好處是色域夠廣，做到顯示 100% NTSC 色彩及 10000:1 超高對比度。不過，現場版主 Lawrence 話今次個芒係偏暖。S-AMOLED 都偏暖？可能要等實機了。相機部份，都係維持二千萬像素 F2.2 大光圈，不過 MX5 加入了雷射對焦。前鏡頭升級五百萬。
點都要講下 CPU，MX4 與 MX5 都係採用 MTK 出品，MX5 採用 Helio X10 八核心處理器。Meizu 強調今次是使用 Turbo 版本，達 2.2GHz ，其實 HTC One M9+ / ME 都係 2.2GHz 版本。MX5 都係配合 3GB RAM，有 16GB 、32GB 及 64GB ROM 版本，不過就無得插卡。要留意 MX5 與上代 MX4 的 SoC 組合，GPU 部份其實兩代都一樣，PowerVR 6200。
▲ MX5 （右)，比起 MX4 (左）大部少少。
▲ 上面係 MX5 下面係 MX4。MX5 採用了金屬設計，感覺係不錯嘅。
▲ 上面係 MX5 下面係 MX4。MX5 只有 7mm 左右厚度，薄過前作 MX4。
▲採用突起的鏡頭，大家點睇?
▲ 再比較一下 MX5 (左) 與 MX4 （右）嘅鏡頭。MX5 其實加了雷射對焦，下方嘅閃燈設計，亦取了專利。
▲ 在發布會，Meizu 說 MX5 跑分去到萬五，但現場的只有四萬七千左右。
▲ 用來測試 3D 遊戲效能嘅 Basemark ES 2.0 有 59,16。用佢來打機，應唔錯嘅。
最後，跟大家講一個壞消息：MX5 支援 4G LTE 雙卡雙待，但因為今次只有移動與聯通版本，香港會引入聯通版本，4G LTE 頻段跟足中國聯通，即係只有 FDD-LTE Band 1 與 Band 3，與 TD-LTE Band 40，對應香港嘅 1800 與 2300，即係無左 2600 頻段，即變雙卡單腳 4G 手機。好笑嘅係，價錢平一半吧 M2 Note 係中港 3G 4G 雙通。
Meizu MX5 在文章刊登時，售價未定。按這裡有更詳細規格及最新賣價。
更多有關魅族 MX5 的文章，立即點擊下面分享文啦：
mTouch 予人驚喜！魅族 MX5 指紋解鎖、相機、電池全測試
解決過熱問題？港版行貨 MX5 版主開箱即時試
升級 Helio X10 等於好機! 兩代比拼! Meizu MX4 vs MX5
2000萬像素 + 雷射對焦！ 5.5 吋大芒全金屬機魅族 MX5 發布！
千八蚊性價比 ＋ 效能皇者？魅族 MX5 發佈會現場直擊
