金屬機背＋ mtouch 指紋！ MX5 規格夠唔夠吸引？
今次 MX5 有關的資料係推出前已經有不少，事前有朋友擔心今次 MX5 會否用上 m2 note 方面的雙卡但要同 SD card 共用卡槽的設計。呢層就不用擔心了，因為 16GB 、 32GB 同 64GB 版本都係不支援 SD card 的。係頻段方面，雖然機盒未有列明相關資料，但版主就查詢過在港開賣的將會是國內聯通版本，也就是只支援 FDD LTE 1800 以及 2100 及 TDD LTE 2300 ，情況同 m1 note 相似，呢點就比較可惜少少了，因為 m2 note 主要賣點打通中通 3G 4G 係 MX5 身上並未出現。另外再講下係外型方面，同上一代的 MX4 相比， MX5 雖然有 5.5 吋大芒但係就比 MX4 更窄，單手掌握就更加容易。而且上一代的可揭式塑膠背蓋來到新一代都無左，取而代之係主要以金屬質感為主的機背，整體感覺係造工上有了不少的進步，而係外型上都更有型！美中不足的地方在於機背的上下兩部份其實是用左塑膠材質，所以整個機背的顏色並非完全一致，對於追求完美的美學挑剔者來講可能會有點失望。
▲ 同 m2 note 不同，國際版的 MX5 明稱沒有變，包網盒風格就變左長方形。
▲ 配件方面都係提供左充電器、 USB 線同卡針，沒有耳機。
▲ 盒上寫了 4G LTE 頻段，沒有 FD-LTE 2600 是遺憾。
▲ 同上一代相比， MX5 顯得較為長形，邊框都沒有 MX4 咁窄。
▲ 大家係咪覺得好似 m2 note 的 mback 鍵呢？的確 MX5 都用左 mback設計，更加左指紋掃描功能。
▲ MX5 支援雙卡，兩張卡的大細都係 nano sim 。
▲ 作為國際版， Google Play Store 當然是有的。
▲ 將 MX4 同埋 MX5 拼起來睇，會發現雖然用料不同，但設計語言是沒有變的。
連跑 4 個跑分 app ， MX5 溫度竟然無爆升！
來到跑分方面，係發佈會上魅族都提到一般 S810 手機都面對著發熱的問題，而魅族為左避免以上情況係 MX5 身上發生，最終決定用高頻版 MTK Helio X10 2.2 GHz 處理器，版主開箱第一時間當然係試呢樣啦！好老實講，今次 MX5 所用的 MTK Helio X10 2.2 GHz 處理器其實同 HTC One M9+ 以及 One ME 所用的 MTK 處理器係跑分上分別真係唔大，之前大陸傳媒所講的跑分「驚呆小米三星」係今次的成績上都睇唔到。不過，發熱方面版主都想唔到，係連跑安兔兔兩次， Vellamo 、 Quandrant Standard 再加埋 Basemark 2.0 咁多個跑分 apps 後， MX5 拎上手真係沒有熱的感覺，而且從 Cpu-Z 的結果中也可以見到 MX5 電池溫度並不高，可能 MX5 真係解決左今年「熱情旗艦」的問題呢！
▲ 版主第一次跑安兔兔的時候因為 load 不到比拼結果而再跑多次，最後得分係 51336 ，仍然係未有魅族所講的五萬三水準的，而 Quandrant Standard 分數就係 24245 分。
▲ 係 Vellamo 方面，同 HTC One M9+ 相比，兩者何謂各有千秋。
▲ 以 Basemark 2.0 來講，MX5 成績算係不錯，需知 HTC One M9+ 只係得 47.51fps ，相信受解像度不同所影響。
版主小結：效能不俗且未有過熱問題，但手機頻段上實在「差咁啲」
MX5 版主真係試左唔係好耐，一個鐘都無，所以暫時都未能夠比到好多評價出來。暫時來講係效能上從跑分成績來睇版主都係滿意的，而且發熱情況係 MX5 身上真的不明顯。不過，今次 MX5 不但未支援中港 4G 全網通，而且發售的版本好大機會又回到 m1 note 只有 FDD LTE 1800 頻段的境況，無疑係叫人入手意欲會有所減少。唔知大家又點睇 MX5 呢？如果有甚麼功能想試都可以即管留言講講啊！Meizu MX5 在文章刊登時，售價未定。按這裡有更詳細規格及最新賣價。
更多有關魅族 MX5 的文章，立即點擊下面分享文啦：
mTouch 予人驚喜！魅族 MX5 指紋解鎖、相機、電池全測試
解決過熱問題？港版行貨 MX5 版主開箱即時試
升級 Helio X10 等於好機! 兩代比拼! Meizu MX4 vs MX5
2000萬像素 + 雷射對焦！ 5.5 吋大芒全金屬機魅族 MX5 發布！
千八蚊性價比 ＋ 效能皇者？魅族 MX5 發佈會現場直擊