mBack + mTouch 2.0 二合一！ MX5 指紋掃描有驚喜？
首先講講大家都幾關心的 mTouch 指紋掃描先！來到 MX5 ，魅族係手機操控上可以話換上左另一套方式，以往大家熟悉的小圓點取消左，取而代之嘅係同 m2 note 外型相近的實體鍵。使用方法都同 m2 note 一樣，輕點實體鍵一下就做到 Back 的功能，而按一下實體鍵就能回到 Home ，長按可以關閉屏幕。有關呢個設計的好與壞之前版主都分享過，答案其實真係見人見智的。不同於 m2 note 只有 mBack 鍵，係 MX5 上面魅族更加係當中加入左指紋掃描功能，情況同 MX 4 Pro 相似。不過叫得做 mTouch 2.0 魅族當然會話比以往好得多啦，事實又係咪咁呢？版主初步試完後，發現 mTouch 2.0 真係比到驚喜大家，除左係功能上算係幾豐富之外，其準確度之高也是版主始料不及的，截止打緊稿期間， MX5 只係有一次不能認出我的指紋，實在相當難得！
▲ 版主用過同是今年推出的 Samsung Galaxy S6 Edge 以及 HTC One M9+ ，兩者都支援指紋解鎖，但設定所需時間來講 MX5 真係算係比較長的。
▲ 係功能上， MX5 除左指紋解鎖之外仲支援支付寶付費驗證功能，但其實呢樣對港人來講都不是很重要。更重要係可以用指紋去做應用鎖定，呢項功能版主覺得相當實用亦都不是部部機都有啊！
▲ 呢張相係版主唯一一次試到的解鎖失敗，試用後意見就係如果大家將手指盡量置於中心基本上不會失敗，大家可以到 Facebook 看看版主如何一 take 過做到十連解鎖啊！
屏幕＋造工比一比， MX5 跟前代真係分別不大？
接下來就到屏幕同埋外型方面，係屏幕方面之前都提過用左 Super Amoled 之後 MX5 同前代 MX4 相比係稍為灰同埋黃的，而 MX4 相對下就色調較冷。雖然顏色有點不同，係解像度方面兩者都係有 FHD 規格，個人認為 5.5 寸屏幕來講解像度係 2K 還是 FHD 真係分別不太大，所以 MX5 的屏幕係整體來講都算是可以的。係外型上面，其實從 MX5 中可以見到係造工上魅族已經進步左不少，但係仍然有改善的空間。值得讚的地方係在 MX4 上已經有了金屬邊框的設計，不過技術上的掌控其實不算很出色，其中一點可以見到就係在金屬框同機面的玻璃之間其實是有一道可以感覺到的空隙。來到 MX5 上面版主就發現邊框同金屬框已經很好的貼合了，從呢方面可以睇到其實 MX5 的造工比起前代係好的。而另人有點可惜的就是機背的上下方都不是用上金屬材質，換言之不能稱為全金屬背蓋了，而且仔細睇塑膠質料的部份同金屬材質部份係顏色上會有點不同。不過咁，一般來講用左金屬機身的手機都頗為墜手的，好像係屏幕大少相近的 HTC One M9+ 就有 168g ，而 MX5 只係重 149g 呢點都可算係一個優勢來嘅。
▲ 呢到大家可以見到有鏡頭上方同下方係有兩截不太相同的顏色，而材質其實都不一樣。
▲ 可以見到，症左邊的 MX4 係邊框同機面之間有一道小小的隙縫，而右邊的 MX5 則沒有。
▲ 不論是發佈現場（圖左，手機版的圖上）還是及後開箱版本的 MX5 ，都可見屏幕顏色跟 MX4 不太相近。
▲ 係細緻度方面，即使 MX5 只係沿用 FHD 解像度，版主也是覺得沒有甚麼地方可挑剔的。
相機規格大抵一樣，但鐳射對焦感覺明顯
係相機主鏡頭方面，其實 MX4 同 MX5 兩代係硬件上未有很大的升級，同樣係 2070 萬像素跟 F2.2 光圈，連保護玻璃都一樣係康寧第三代 Gloria Glass 。主要的分別就係 MX6 用左 6 片式鏡頭可以有更大的進光量同埋加入左雷射對焦功能，版主試玩時已經入黑，正好試下 MX5 係室內同晚上時候的表現。加入左鐳射對焦的 MX5 係對焦時的確比起前代更快，如果大家有機會試玩的話一開始可能都不太意會到個分別，因為用點擊屏幕對焦的話兩者速度其實差不多。但係 MX5 從一開相機果刻到相機自動對焦完成呢個階段來講其實相當快，有時能做到不足一秒，而係拍夜鏡時同 MX4 分別就更明顯了。係成像方面，沿用返上次玩法，大家可以估下以下相片邊一組係屬於 MX5 ，邊一組係屬於 MX4 的。
▲ 開估啦！答案就係左邊是 MX4 ，而右邊的照片是由 MX5 拍出來，用手機版觀看 ePrice 的話，上面相片屬於 MX4 ，下面是 MX5 。可以看到兩款相機所展現的顏色也有所不同。
電池續航力 OK，但 mCharge 實力要點時間才知道
係充電功能方面發佈會上提到的 30 分鐘充 50% 電，一小時內可以幾乎充滿 MX5 電池，但在今次測試中都未有表現出來，原因是原來除了你要用跟機充電器，也要外購特掣火牛。據 Meizu 代表說明，該火牛會係 MX5 推出一個月左右，會在香港發售。這樣，版主唯有用跟機的充電器，跟 MX5 叉電， 狀態是沒有插上 sim 卡但連上了 WiFi ，而充電時除了截圖的數秒其餘時間都是關了屏幕的。結果半小時充了 24% 而一小時充了 48%，以普通充電器，加上 Helio X10 來說，其實是不錯的。在電池續航力方面， MX5 的表現相信能令大家滿意，在 GreekBench 3 的電池測試上，即使跑了 6 個小時 (只連接 WiFi)，連版主都要離開酒店了，手機都仍然有 25% 的電量。相信就算連接埋手機網絡，電池續航力應該跟主流旗艦手機相約。
▲ 充電所用的是魅族官方充電器。
▲ 連續的充了一個小時，但係電量都仍未有 100% 。
小結：以性價比來說未及 m2 note 出色，但指紋、效能表現都不錯！
一個月前躲族在同一個地方發表了 m2 note ，而一個月後就輪到了 MX5 的發佈。坦白講，係試用完 m2 note 後個人對 MX5 的期望是頗高的，一來係平價價位手機來講 m2 note 表現相當不錯，不少朋友都有入手的意欽。而 MX5 作為魅族重點手機之一自然更令人期待。可惜的是在香港推出的版本未能像 m2 note 一樣有打通中港 4G 的功能，而且 16GB 版本 MX5 也沒有 SD 卡的支援，跟 m2 note 相比起來局限就更大了，以上兩點對於不少有意入手的朋友來講相信都打了折扣。不過在試玩表現上， MX5 基本上表現仍算是不錯的，首先 mTouch 2.0 在指紋掃描準確度上的確屬於一流水平，而且功能也算是豐富。在效能上之前也跟大家分享過，是一般 MTK Helio X10 2.2 GHz 處理器，但在跑分時未見有溫度急升甚至機背燙手的問題，相信在遊戲時也會有不錯的表現（但時間關係要稍後才能試了）。不知大家又覺得這一代的 MX5 吸引力如何呢？留言講講啦！
Meizu MX5 在文章刊登時，售價未定。按這裡有更詳細規格及最新賣價。
更多有關魅族 MX5 的文章，立即點擊下面分享文啦：
mTouch 予人驚喜！魅族 MX5 指紋解鎖、相機、電池全測試
解決過熱問題？港版行貨 MX5 版主開箱即時試
升級 Helio X10 等於好機! 兩代比拼! Meizu MX4 vs MX5
2000萬像素 + 雷射對焦！ 5.5 吋大芒全金屬機魅族 MX5 發布！
千八蚊性價比 ＋ 效能皇者？魅族 MX5 發佈會現場直擊