外觀速覽
Meizu M2 擁有 5 吋 720p 屏幕，機身比 M2 Note 細小 ( 廢話 )，數據上亦比第一代短少少，沿用 M2 Note 相同的背蓋設計！ M2 規格比上一代其實無太多既升級，最明顯係 2GB RAM 和 16GB ROM，支援最高 128GB 插卡。但情況同 M1 Note 升級 M2 Note 相似，M2 用上 64bit 四核心 MT6735 處理器，雖然 GPU 理論性能卻比上代稍弱，但仍然比紅米 2 好。而整體設計語言來講，M2 最大的改變在於加入了「M Back」按鍵。
▲ M2 將屏幕比例轉為 16：9，下方就看到魅族今年既重點設計「M Back」，同 M2 Note 一樣係操作語言。
▲ 前鏡頭擁有 500 萬像素和 F/2.0 大光圈。
▲ 一體化機背質感近似 M2 Note 系列既處理，摸上手非常舒服，並無一般塑膠既廉價感。
▲ M2 配備 1300 萬像素主鏡頭，但就沒有雙色 LED 補光燈，硬件升級幾乎無，但魅族方面就話得益於算法改善，拍攝效果會有明顯既進步。
▲ 右側是音量鍵和電源鍵，按鍵放在同一邊更方便操控。
▲ 左邊係卡槽，包括 SIM 卡和最高支援 128GB 記憶卡。
▲ 頂部自然是 3.5mm 耳機孔；底部有 micro-usb 接口。
外形對比 M2 Note！
其實今次推出既 Meizu M2 你可以理解為縮小版 M2 Note，不論在設計、造型和手感，都能夠找到相似的地方。大家可以看看對比圖，白色是 M2 Note，灰色是 M2。最大分別除了機身大小外，音量鍵和電源鍵擺放的位置是左右相反的。
現場女女圖
老老實實，如果呢部 Meizu M2 黎到香港開價 799 元，絕對可以話係秒殺紅米 2 以及可能推出既增強版！ 上一代無黎香港，如果今次黎香港你又有無興趣入手呢？網友們對於呢款平價 M2 有何感想呢？
閱讀更多相關文章：
Meizu M2 跑分快測！ 性能真係力壓紅米 2？
加 RAM 價錢更平！魅族新機 m2 八百有找做唔做到紅米 2 殺手？
八百有找壓死紅米 2！ 版主 Meizu M2 上手圖賞
