MTK X10 + 3GB RAM ， MX5 抵港開賣！價錢有無比紅米 Note 2 吸引？

Lawrence 2015-08-20 19:07 | Meizu

呢期大家討論的焦點相信都落左強調以千元價位可以玩到 MTK 旗艦處理器的紅米 Note 2 身上，雖然呢部新機性價比滿分但係講到幾時有行貨抵港就真係無人知道。如果想平玩旗艦規格行貨手機的話其實都仲有個選擇嘅，今日魅族就宣佈 MX5 將會抵港開賣，其實係規格上 MX5 比起紅米 Note 2 可以話更勝一籌，一齊睇睇價錢又係點啦！

主打金屬機身＋ mTouch 指紋掃描，魅族 MX5 只上 32GB ！

之前 MX5 係北京的發佈會版主都有去到，所以 MX5 的實機版主當然都有玩過啦！以規格來講其實 MX5 跟 HTC One E9+ 相當接近， MX5 配備 5.5 吋 FHD  Super AMOLED 屏幕，處理器就採用高 MTK Helio X10 2.2 GHz 以及 3GB RAM 同埋 32GB 內置容量。另外，要留意今次躲族決定現階段只會推出 32GB 內置容量版本，而 16GB 同埋 64GB 版本就未有消息。相機 MX5 就有用左以激光對焦做主打的 2000 萬像素主鏡頭緣及 500 萬像素前鏡，電池就有 3150mAh 。

講完規格就到價錢了，魅族宣佈 MX5 32GB 版的價錢會係 $2599 ，唔知價錢又是否乎合大家預期呢？以目前係香港開賣左的手機來講， HTC 的 One E9+ 係規格上同 MX5 相當接近（但 E9+ 係屏幕解像度上更高同埋支援 SD 卡），而 Asus 的 Zenfone 2 係價錢上同 MX5 都有得比拼。另外可以留意的仲有小米目前在港規格最強的小米 Note ，唔知大家又會點揀呢？睇完以下規格比拼再講講意見吧！


▲  Click 入可以睇到詳細資料。

在文章發佈時，魅族 MX5 將於 8 月 21 日開賣，定價 $2599 ，按此查看手機規格及最新賣價。