2100 萬像素 Sony IMX230感光元件！ Pro 5 支援相位+激光對焦
魅族 Pro 5 同 Samsung Galaxy Note5 相機所使用的是 Sony IMX 感光元件，不過一個係 Sony IMX 230 另一個係 Sony IMX 240，講下兩粒野嘅規格先，Sony IMX230 感光元件大小為 1/2.4，可以拍攝2100萬像素嘅相片，其特點係支援相位對焦（ Pro 5 本身亦支援「激光對焦」），同時喺 4K 錄影上加入了 HDR ，令到佢可以喺黑暗嘅環境下有較好嘅表現。唔同旗艦級嘅手機都廣泛地使用，包括 Sony Xperia Z3+、HTC M9+ 相機升級版；而 Sony IMX240感光元件大小相對 IMX230小，大小為1/2.6，而且只有1600萬像素，而且在上一代的 Galaxy Note4 已經使用 Sony IMX240，意味住 Galaxy Note5 在相機技術上只有軟件控制嘅進步，目前使用 Sony IMX240 有 Samsung Galaxy Note4 , Note5, S6 edge, S6, S6 edge+，論規格和技術上都係 Sony IMX230 優於 IMX240，不過最後分高下都係睇廠商做調校，等同某個廠都係用自家好靚嘅感光元件，但係在軟件調校上十分差，令到成像油畫化，可見軟件調校嘅重要。
不過，先唔好講咁多技術嘅野，倒不如睇下相仲好，正所謂有圖有真相，有真相就會知道真功夫。
魅族Pro 5日拍
Samsung Galaxy Note5日拍
LG G4日拍
LG G4還原度最好
從日拍方面可見，第一張中旅社照片中， Pro 5 就係偏向暗啞，而 Note5 就鮮艷左些少，紅色鮮艷到有點不真實，最貼近現實就係 G4 ；而第二張相對住火車車門，三者就不相伯仲，顏色控制亦有不錯嘅表現；第三張日落相就明顯地睇到 Pro 5 同 Note5 嘅成像雖然就係鮮艷，但一睇就好似落左味精嘅感覺，反而 G4 顯示得最正常，最貼近現實。魅族Pro 5夜拍
Samsung Galaxy Note5 夜拍
LG G4夜拍
G4 還原度好 Note5控制強光好
到左夜拍回合，從第一張相可見，Pro5 喺較黑暗嘅位置係差過 Note5 同 G4，從樹葉中睇到還原度無 Note5 同 G4 好，其實打後唔少嘅相睇到 G4 喺顏色上還原度好過其餘兩部手機，同時面對暗位都控制得較好，至少不是強行推光嘅感覺，從尾二張相可見到效果，Pro5 偏暗，Note5 則推光，而 G4 就控制剛剛好，可是 G4 在面對強光控制係略遜一籌，強光控制最好係 Note5 ，從中第二張相同第三張相光位中較容易睇到細節。小結：Pro5 規格出色，但相機實拍還是贏不了 Note 5
從上面可見，Pro5 在日間表現係偏暗，但和 Note5 , G4 相差並不大，而夜晚表現就略為遜色。從日拍同夜拍可見， Pro5 嘅表現沒有好突出於 Note5 以及 G4 ，相信 Pro5 在相機調較上仍有一定嘅改善空間，因為往往相機喺相同嘅感光元件下，比拼嘅就係各廠商控制相機嘅能力。好似係同樣使用 Sony IMX 230 嘅 HTC One M9+相機升級版嘅表現就竟然仲好過用自家 Sony IMX 230元件嘅Sony Xperia Z3+ 。意味住只要廠商日後肯在軟件上作出調整，有好嘅調校相信會有更好嘅效果。雖然 Pro 5 在相機比拼挑戰唔成功，但 Pro5 除左相機之外，其效能卻係有相當唔錯嘅表現，可以睇下早前版主各所寫嘅 Pro5 文章。
