支持中港 4G 全網通! 魅藍 Note 3 定價吸引?
而家手機的主流，都係傾向金屬設計，無論係紅米 Note 3，抑或係 Le 1s，都中意以「金屬機身」為賣點。而為左挑戰紅米 Note 3，魅族亦在魅藍 Note 3 上用上了金屬材質，雖然佢只係千元機，不過佢所用的金屬材質似乎比紅米 Note 3 更似金屬。魅藍 Note 3 採用了 5.5 吋 1920 x 1080 全高清屏幕，配備 MTK Helio P10 八核心處理器，有兩個版本，分別為 2GB RAM + 16GB ROM 以及 3GB RAM + 32GB ROM。魅藍 Note 3 採用了 1300 萬像素主鏡頭以及 500 萬像素前置鏡頭，內建 4100mAh 電池，並支持中港 4G 全網通以及指紋辨識。售價方面，魅藍 note 3 低配版用 2GB RAM + 16GB ROM，賣價為人民幣 799，約 HK$858 ；高配版用 32GB ROM + 3GB RAM，賣價為人民幣 999，約 HK$1198。呢個價真係有咁吸引?
金屬機身 + 四千大電! 紅米 Note 3 似乎更抵?
最初紅米 Note 3 未到港，淨係賣緊水貨的時候，其實可以見到水貨價唔算話特別平。不過好在紅米 Note 3 抵港之後，建議零售價比預期低，2GB RAM + 16GB ROM 版本定價為 HK$1299，而 3GB RAM + 32GB ROM 版本定價則為 HK$1499，以上兩個價係講緊港紙，就咁睇個價，似乎魅藍 Note 3 已經完勝紅米 Note 3。不過比較埋規格，紅米 Note 3 同樣採用了 5.5 吋芒，雖然佢就以「金屬機身」為賣點，但感覺上都係膠膠地，同魅藍 Note 3 的質感差不多。雖然魅藍 Note 3 係用八核心 MTK U，而紅米 Note 3 就用六核心 Qualcomm S650 CPU，望落去好似魅藍 Note 3 粒 U 好過紅米 Note 3 果粒，不過似乎唔少網友的呼聲都偏向 Qualcomm U 多啲，呢樣就見仁見智啦! 魅藍 Note 3 提升左電量，以持久續航力為賣點之一，4100mAh 電量，已打敗了紅米 Note 3。至於相機方面，紅米 Note 3 採用了 1600 萬像素主鏡頭，魅藍 Note 3 則是千三萬。將紅米 Note 3 同魅藍 Note 3 做比較，魅藍 Note 3 與紅米 Note 3 勢均力敵，網友點睇呢?
$1499 Le 1s! 性價比高但無 microSD 卡槽，你點揀?
除左小米的紅米 Note 3 之外，當然不能忘記的，是樂視的 Le 1s，同樣具有高性價比，近呢年來升得好快，可以說是小米一個值得重視的對手。頭先講過，Le 1s 同樣採用金屬機身設計，其金屬的質感最好，如果就外型方面來比較，Le 1s、魅藍 Note 3、紅米 Note 3 之中，版主個人覺得 Le 1s 係贏哂! (唔係賣廣告，講事實啫!) 不過咁，Le 1s 在設計上都有缺點，無 microSD 卡槽呢點係死症，對於需求大的用家來說，Le 1s 未必能夠成為你的心水，但如果係一般用家，Le 1s 都勉強夠用! 規格方面，Le 1s 配備 MTK Helio X10 處理器，內置 3GB RAM 以及 32GB ROM，同魅藍 Note 3 高配版一樣，都係採用了 1300 萬像素主鏡頭以及 500 萬像素前置鏡頭，不過 Le 1s 相機仲有一個賣點，在於佢的 0.09 秒對焦速度，呢方面 Le 1s 似乎勝於魅藍 Note 3。另外，Le 1s 亦支持快充，$1499 呢個價，你又覺得抵唔抵玩呢?
三部機入面，唔知網友又覺得邊部機抵玩啲呢? 以下版主會利用 ePrice 手機比拼系統，將高配版的魅藍 Note 3 同另外兩部千元手機作比較，等大家諗真啲，到底邊部機最抵玩!
▲ 按上圖或按這裡可以進入 ePrice 手機比拼系統，網友們點揀呢?
在文章發佈時，紅米 Note 3 (2GB + 16GB) 定價為 $1299，按這裡有詳細規格及最新賣價。
在文章發佈時，紅米 Note 3 (3GB + 32GB) 定價為 $1499，按這裡有詳細規格及最新賣價。
在文章發佈時，Le 1s 定價為 $1499，按這裡有詳細規格及最新賣價。
在文章發佈時，魅藍 Note 3 (標準版) 上市日期未定，按這裡有詳細規格及最新賣價。
在文章發佈時，魅藍 Note 3 (高配版) 上市日期未定，按這裡有詳細規格及最新賣價。
