▲ Meizu Pro 6 今次用上 5.2 吋屏幕，維持 Full HD 解像度，其實望上去更加適合一手使用。Meizu 手機有 D 似 iPhone ，其實都唔係呢一代嘅事，但版主 Keith 覺得，似得來，好睇就得。用上 2.5D 屏幕，白色機面，呢隻配色，其實相當討好，沒有廉價感覺。咁佢 Pro 6 都叫 Meizu 嘅旗艦，賣價都要接近港幣三千，無理由做得 Cheap 嘅，亦證明，要好一點手感，要付出比較多嘅價錢，係必要嘅。
▲ 今次 Pro 6 用上 Sony IMX230 二千一萬像素感光元件，除此之外，內置環狀十組 LED 燈，加強補光效果，係係重點規格之一。
▲ 一如之前幾部 Meizu 手機，強調對稱設計，下方嘅插位就係。中間是 Type C USB 插口，支援 USB 3.1 高速傳輸。此外，佢亦有 24W M-Charge 高速充電嘅接入。
▲ Pro 6 亦雙卡雙待 4G LTE 手機。
▲ 另一方有開關掣及音量鍵。
▲ Meziu Pro 6 採用 MTK Helio X25 處理器，這粒首次出現係真手機嘅 CPU，由 10 顆 64 位處理核心做成，全新 Cortex A72 架構帶來強悍性能，主頻高達 2.5GHz；對比上一代 PRO 5，單核處理能力提高 28%，多核性能領先 22%。圖形處理器部份，採用 ARM Mali - T880，相比 Mali - T760 單元性能領先 180%，能效提升 40%。
▲ Helio X25 有幾勁呢？AnTuTu 跑分為 99136，其實接近十萬，比起 Helio X10，跑 Full HD 芒嘅 HTC One X9 六萬分都快好多，證明 Helio X25 效能係有提升，仲要很顯著，但比起 Qualcomm S820 嘅 HTC 10 萬 5 千分，又好似差少少咁。留意 3D 性能部份：18908 得分，我地再對比昨天 HTC 10 嘅 51015，似乎都差好遠喎。不過咁，CPU 性能都接近 Qualcomm S820，證明日常運都係無乜大問題，係打機部份，依然可能差少少，但所謂嘅差，都係講緊打大作，小型遊戲，其實應該無問題。
▲ 三款顏色嘅 Pro 6 你最喜歡那一款？
更多有關魅族 PRO 6 發表、評測
【推到完場】賣點不止十核心？魅族 Pro 6 版主直擊
十核心處理器 + 5.2 吋 FHD 芒! 魅族新旗艦 PRO 6 登場!
首部十核手機現真身！Meizu Pro 6 跑分 ｜世界級 ?
LG、魅族旗艦爭霸! G5、PRO 6 外型比拼
Meizu PRO 6 在文章刊登時，香港未有賣價資料。按這裡有更詳細規格及最新賣價。
