剛剛發表的魅族 PRO 6，採用了 5.2 吋 S-AMOLED FHD 屏幕，比 LG G5 少左 0.1 吋，但如果從重量來看，LG G5 卻比魅族 PRO 6 輕，而且擁有的電量還要多。呢啲都係題外話，講番外型，魅族 PRO 6 同 LG G5 一樣，都是採用了金屬機身設計，機身相對 G5 薄，而機背部份，版主個人認為，魅族 PRO 6 的背面比 LG G5 還要美觀，至少沒有像火山口一般的指紋辨識，取而代之的是特別定制的 10 LED 雙色溫環狀閃光燈。另外，魅族 PRO 6 唔係無指紋辨識，不過佢嘅指紋辨識就放左去機的正面。唔知網友覺得，呢兩部機比起上黎，邊部靚啲呢?
▲ 兩部機的屏幕尺寸其實差不多，魅族 PRO 6 比 LG G5 屏幕略細，但係講重量的話，LG G5 的重量反而略輕。
▲ 如果講機身厚度，魅族 PRO 6 就比 G5 薄，呢個係 PRO 6 的優點之一。
▲ 機背部份，LG G5 的相機以及指紋辨識都係採用了「火山口」設計，版主個人覺得一點兒也不美觀，反之睇睇魅族 PRO 6，機背配有 2116 萬像素主鏡頭，而鏡頭下方則有 10 LED 雙色溫環狀閃光燈，就咁望落去，機背設計 PRO 6 win 哂!
▲ 至於機的正面，先睇睇下方，魅族 PRO 6 其實唔係無指紋辨識，不過佢將個指紋辨識放左去正面，而 G5 的相同位置上，則是「LG」的 Logo。 另外，其實從呢個角度睇得出，魅族 PRO 6 的機面係比較平滑的，而 G5 的機面感覺上係「龔龔地」咁。另外，魅族 PRO 6 的屏幕則採用了 2.5D 玻璃，可以見到邊位係有啲曲面的感覺。
▲ 至於正面的上方，魅族 PRO 6 採用了對稱式設計，呢點可以從前置鏡頭以及 sensor 部份明顯看得出來，而 G5 就唔係，前置鏡頭與 sensor 都在機的左上方。
▲ 至於兩部機的底部，可以見到兩部機都配有 USB Type-C 插槽 以及喇叭，而魅族 PRO 6 的 3.5mm 耳機孔亦設於下方。
▲ 睇下右側上方，PRO 6 設有開關鍵以及音量鍵，而因為 G5 的開關鍵設於機背指紋辨識位置，可以見到左側上方係乜都無的。
▲ 至於下方，G5 就有 microSD 卡插槽以及 SIM 卡槽，而魅族 PRO 5 就無。
▲ PRO 6 左側有卡槽，而 G5 則是音量鍵位置。
更多有關魅族 PRO 6 發表、評測
【推到完場】賣點不止十核心？魅族 Pro 6 版主直擊
十核心處理器 + 5.2 吋 FHD 芒! 魅族新旗艦 PRO 6 登場!
首部十核手機現真身！Meizu Pro 6 跑分 ｜世界級 ?
LG、魅族旗艦爭霸! G5、PRO 6 外型比拼
在文章發表時，魅族 PRO 6 香港上市日期未定，按這裡有詳細規格及最新賣價。
