同小米鬥平價！$1200 有找 入手 4100 大電手機！

左定坤 (Cho Ting Kwan) 2016-10-31 19:54 | Meizu

提到最平價手機品牌，相信不少網友都會第一時間想起小米，特別是紅米 Note 系列。是的，紅米 Note 系列「性價比」的確相當高，就好似紅米 Note 4，唔使 $1500，就可以入手 64GB 大電手機。不過，有廠商近日做緊限時減價優惠，$1200 有找，已經可以入手 4100mAh 大電手機，確實是非常抵玩。不知網友又有沒有興趣呢？看下文吧！



版主講緊的是小米的死對頭－魅族，於今年六月初推出的平價手機 m3 Note (大陸版叫魅藍 Note 3)。這部 m3 Note 某程度上，完全是打緊小米上代的紅米 Note 3，電池容量比紅米 Note 3 大，而且當初的定價亦都比紅米 Note 3 便宜。當然，近呢幾個月內，小米多次將紅米 Note 3 的賣價下調，最新賣價為 $1299，已經比魅族 m3 Note 平價。也許是因為這樣，魅族都決定要反擊了！

就在剛剛，魅族在 Facebook 上突然公佈了一個消息，就在明日 (11 月 1 日)，將會舉行限時快閃優惠第一擊，在指定時段內 (時段一：12:00 - 14:00；時段二：20:00 - 22:00）在魅族網上商店購買 m3 Note，即可獲得「直減 $200」的優惠，即係話只需 $1199，就可以購得 4100mAh 大電的手機，真係用來做「蛋仔」或者後備機都唔錯。網友又覺得抵唔抵玩呢？



魅族 m3 Note 在文章發表時，賣價為 $1399，按這裡有詳細規格及最新賣價。