先譾設計
Meizu PRO 6 Plus 的設計，其實跟前作 PRO 6 與 PRO 5 相約。版主覺得就係好 iPhone 6 嘅感覺。呢個款，可以說悶，但亦可以說容易討人歡喜。但就算似，上手嘅手感都係重要嘅，別的大陸廠，可以造得好差勁。但係 PRO 6 Plus 上面，你會覺得手感好好，有 Metal 手機應有的硬度與冰凍感覺。至於重量，我跟 S7 Edge 重量比較過，手握上來其實差不多，但 PRO 6 Plus 比較薄身，感覺會輕身少少。
▲ 開箱了! PRO 6 PLUS 嘅包裝，跟 PRO 6 大同少異。
▲ 香港版會跟 mCharge 快充充電器及 Type C USB 線。一如其他大陸手機，係唔會跟耳機嘅。
▲ mCharge 用上 12V ＋ 2A 電壓。要做到快充，要用呢個原裝充電器呢。
▲ 今次版主借到係金色機背版本。機身都是白色的。
▲ 已係國際版，安裝了 Google play Store。
▲ Meizu 說對 PRO 6 Plus 對身曲線重新設計，其微弧設計，經過 30 道工序與 150 小時精雕細琢。手感就係機側唔[界刂]手。手機只有 7.3mm 厚度，上圖與一個人民幣一毛錢比較。
▲ 沒有了中間天線條紋，Meizu 說是其他廠家未到家，他們做到了，這設計亦可以讓 PRO 6 PLUS 加入 NFC。 CD 紋路鏡頭，與環形閃光燈，都是 Meizu PRO 系手機的特色。
▲ 採用雙 Nano SIM 設計，不設 microSD 記憶卡。
跑分 + 效能立即睇
外型看夠，係時間睇睇效能，真係可以跟 Samsung Galaxy S7 Edge 比拼嗎？首先，要說明一點，PRO 6 Plus 雖然使用跟 S7 一樣嘅 Exynos 8890 CPU，但其實有兩個版本，版主手上嘅 4＋64GB 版本，係低頻版，要有 S7 同等嘅 CPU 速度，就要有 128GB 版本。所以，我哋嘅實測軟件都表示，Meizu PRO 6 Plus 嘅效能，係 4+ 64GB 版本下，只能說係剛好到達旗艦級別，但因為平過三星賣價，都叫係一分錢，一分貨。
▲ 集合 CPU、3D 效能、UX (數據在手機運行速度）、RAM 效能的 AnTuTu 實測，有113773，雖然係旗艦手機嘅得分，代表效能十分不錯，但相比 S7 嘅萬三分，其實有少許距離。
▲ Vellamo 以 Browser 上網效能最為獨特，得分有 6875，是好多大陸手機嘅得分，因為他們多數很著重 Browser 嘅上網體驗。
▲ 3D Mark Sling Shot using ES3.1 得 1488。呢個 Benchamrk 用來測試手機運行大型遊戲嘅效能，呢個分數比起 S7 系列可以去到二千一分，又係有一段距離。而 PC Mark for Android , Work 2..0 是另一個全面性測 雖 Android 在日常運作時的效能，3640 只係中上嘅得分。順帶一提，跑了幾個分，都唔覺 Pro 6 有發熱，這就是 Exynos CPU 嘅好處了，
相機比拼 iPhone 7
以前 Meizu PRO 系列，以前都係用上二千萬像素鏡頭，不過，大家都知高像素唔係等於好。可能因為真係唔多好，今次 PRO 6 Plus 改用了千二萬像素感光元件。像素細了，但其實因為用了大獲好評嘅 IMX398 型號，有 F2.0 大光圈，仲有四軸光學防手震同相位對焦。Meizu 更說與三星有關人員合作，令 IMX386在 Exynos 獨有 ISP 下有更好嘅拍攝效果。講多無用，我哋找來 iPhone 7 萬能比拼手機作比較，以暗黑環境作小比拼，你點睇？PRO 6 Plus 影相叫得上靚嗎？以下左面 (或者用 M 版睇此評測嘅上方) 是 PRO 6 Plus 拍出來，而右面 (M 版睇此評測嘅下方) 是 iPhone 7 拍出來。
▲ PRO 6 Plus 今次用了 5.7 吋 SUPERAMOLED 2K 屏幕，已同三星 Note 7、S7 Edge 等睇齊。屏幕是十分鮮艷。
▲ 放大圖片亦見不俗的相片細節。
▲ 可視角度亦令人滿意。
▲ 雖然 PRO 6 PLUS 內置 ES9018K2M 音效晶片，並有定制 AD45275 低功耗運放，但沒有立體聲揚聲器，要聽靚聲歌，就要用耳機了。好采，PRO 6 也有 3.5mm 耳機插位。版主用一支有 Hi-Res 認證耳機，再播上 24bit 音樂，我會覺得 LG V20 的音效比較好，細節會做得分別些，PRO 6 PLUS 則有約 Sony XPERIA 高端手機的音質。
小結：不錯的三星 REPLACEMENT 但又不是很三星
最後，Meizu PRO 6 Plus 真的可以由三星的沒有大芒兼行 Exynos CPU 手機空檔中，搶來用家嗎？又不會咁誇張，因為 PRO 6 Plus 很不似三星。但若果你追求效能高，又唔熱嘅手機，PRO 6 Plus 係不錯嘅。而相機、屏幕、音效，未去到最好，但亦有一番水準。唔知網友又點睇呢？魅族 Pro 6 Plus、魅藍 X 發表 + 評測相關文章
掂過 Note7 用三星 U！魅族 Pro 6 Plus、魅藍 X 強勢登場！
用 Exynos 8890，效能鬥 S7 Edge！搶先睇魅族 Pro 6 Plus 跑分
5.7 吋 2K 大芒！魅族 Pro 6 Plus 上手評測，外型睇真 D！
16nm 製程，效能提升 20%？Helio P20 VS Qualcomm U！
魅族 Pro 6 Plus 在文章發表時，香港上市日期未定，按這裡有詳細規格及最新賣價。
