)。不過，唔做主機，版主都有手機想玩的，說的就是魅族 PRO 7，你未必會同意，但我就真心覺得型！剛剛發佈會就完，版主就立即撲去體驗區上手試玩實機，真機係點，睇下文啦！
上手！雙芒雙鏡，不同於市面一般手機: 魅族 PRO 7 有看頭、有特色！
如發佈會所說，除了有 5.2 吋 FHD 屏幕的魅族 PRO 7 之外，同場還有一部 5.7 吋 2K 屏幕的 PRO 7 Plus。兩部手機在外型設計上相當接近，機背部份同樣具備副屏幕以及雙鏡頭，「MEIZU」字樣設於右下方，堅係好型！聽魅族講起，原來今次 PRO 7 係由德國 FROG 設計公司設計㗎！實在是有令我想用的衝動。要從外型上區分 PRO 7 以及 PRO 7 Plus，除左睇個 Size，原來 PRO 7 Plus 機背係有橫向金屬拉絲，而 PRO 7 就沒有。同是金屬拉絲，但版主就覺得 PRO 7 設計得比 Sony、小米的還要有味道。唔講咁多，睇相啦！
▲ 魅族 PRO 7 採用了 5.2 吋屏幕，而 PRO 7 Plus 則有 5.7 吋。
▲兩部手機都是用上金屬材質，不過可以留意到，比較起 PRO 7 Plus，PRO 7 顯得相對普通，沒有 PRO 7 Plus 的金屬拉絲設計。
▲ 三款不同的顏色。
▲ 其餘地方基本上就兩部手機都一樣，所以版主就集中一部手機影給大家看。在屏幕的上方部份，魅族 PRO 7 / PRO 7 Plus 配備了 1600 萬像素的 Samsung 前置鏡頭。
▲ 而屏幕下方則有魅族自家的 mBack 按鍵，這種設計版主以前曾經覺得難用，但用慣之後覺得好好用。另外，按鍵還具備指紋感應器。
▲ 機背左上方會見到有 1200 萬像素雙主鏡頭，而鏡頭下面則有 1.9 吋的 AMOLED 副屏幕，既可以睇時間、睇天氣，更可以開啟前置相機作自拍用途。
▲ 至於機背右下方，則有「MEIZU」的字樣，並不如一般的橫向設計，而是直向的，版主覺得確實是幾型的，真心㗎！
▲ 採用 USB Type C 充電器及數據線位。
兩個尺寸，兩個配置！魅族 PRO 7 / PRO 7 Plus 跑分立即睇！
在外型上，魅族 PRO 7 同 PRO 7 Plus 就主要係尺寸同機背有分別，但原來配置上的差別更加大！因為，基本上兩部手機在處理器、儲存容量、記憶體方面，都是完全不同的！PRO 7 標準版配備了 MTK Helio P25 處理器，內置 4GB RAM 以及 64GB ROM，高配版則用 X30，有 4GB + 128GB，而 PRO 7 Plus 則配備 MTK Helio X30 處理器，呢粒處理器就巴閉了，暫時除左 PRO 7 Plus 之外，就無其他手機使用，同時亦係 MTK 首粒用上 10nm 制程的處理器。到底 MTK 今次能唔能夠靠呢粒 U 翻身呢？立即睇下呢粒 U 的安兔兔跑分，睇下表現如何啦！
▲ 首先用 X30 魅族 PRO 7 (4GB) + 128GB，安兔兔跑分為 139984 分，當中 3D 效能與 UX 效能的分數為 40280 以及 53136 分。
▲ 至於 PRO 7 Plus 6GB + 64GB 版本，安兔兔跑分為 142560 分，呢個成績你覺得能唔能夠改變網友對 MTK 的諗法？
魅族 PRO 7 / PRO 7 Plus 發表、評測相關文章
雙芒 + 雙鏡頭！魅族 PRO 7 / 7 Plus 有黑科技，賣價有驚喜？超型雙芒雙鏡 ＋ 十核 CPU ! 魅族 PRO 7 / 7 Plus 外型、跑分速測
紅襯黑先係絕配！紅色魅族 PRO 7 實機圖賞
副芒自拍試玩！雙鏡有無料到？魅族 PRO 7 開箱評測 激鬥 iPhone 7+