夥拍 MTK 玩 FaceID！魅族全面板新機亮相  

虎仔 / 馬日山 2017-11-01 13:29 | Meizu

iPhone X 就快上市，令唔少人對於 Face ID 面容辨析技術加深興趣，除咗一兩間手機大廠現時已經擁有類似技術，其他較細的品牌相信都要急起直追。一下子無法自己研發，最簡單的方法就係使用供應商提供的技術，而大陸品牌魅族日前就宣佈將會夥拍 MediaTek 「製作智能手機最佳的面容析技術」，希望在明年亮相。



經過今年的 Pro 7 和 Pro 7 Plus，外界對魅族的旗艦機，無論是功能還是設計都多了一份期望，究竟這部擁有最佳面容辨析技術的手機係點樣？或者現在就可以率先睇到。因為有大陸網民喺微博上載咗一幅宣稱是全新魅族手機的相片，可以見到手機正面沒有任何實體按鍵，採用接近全面板的設計，爆料者未有提供太多資料，但就表示手機採用的正是 MediaTek 處理器，換句話說即是並非傳聞已久，使用 Qualcomm 處理器的 M6 Note。



資料來源：gizmochina